منتــدى الأعمـــال - عرض مشاركة واحدة - تقرير عن حساب طول الموجات وقاع الموجة الهابطة الحالية وموعد انطلاقة الموجة الصاعدة ال

29-01-2008, 04:53 AM

اقتباس

المشاركة الأصلية كتبت بواسطة mtkhreb


	خلوني افصفصها ::: لأني ابي افضفض .. وبما اني من ابناء الوطن من حقي انتقد كل ماهو في صالح الوطن .. لأني غيور عليه 1- إضافة بدل بمسمى ( بدل غلاء المعيشة ) إلى رواتب موظفي ومستخدمي ومتقاعدي الدولة سنوياً بنسبة 5 % وذلك لمدة ثلاث سنوات. يعني اللي راتبه 3000 يطلعله ب 150 ريال .. لسه ماوصلت سعر كرتون الدجاج .. ولا تدرون توصل لو حذفنا حبتين دجاج لاحول ولاقوة الا بالله .. لكن الوزراء ابو 30 الف مادرى عن كرتون الدجاج .. 2- تتحمّل الدولة لمدة ثلاث سنوات 50 % من رسوم جوازات السفر ورخص السير ونقل الملكية وتجديد رخصة الإقامة للعمالة المنزلية. لمدة 3 سنوات بس .. طيب واللي توه مجدد جوازه يعني راحت عليه :( رخصة السير ماتنتهي الا كل 3 سنوات .. يعني نزلتوها من 300 ريال الى 150 ريال .. نقل الملكيه ( مدري بكم .. ) اقامة العمال تجدد كل 3 سنوات .. يعني خلونا نقول ان ما استفاد من هذا الموضوع الا 70% كحد اقصى هذا اذا استبعدنا اللي توه مجددها .. 3- زيادة مخصصات الضمان الاجتماعي بنسبة 10 % وهي كم اصلا المخصصات .. 400 ريال لفرد .. يعني 20 ريال زياده .. بالله من جدكم 20 ريال ؟؟؟؟؟ 4- استمرار دعم السلع الأساسية للتخفيف من حدة ارتفاع أسعارها ومراجعة ذلك بعد ثلاث سنوات طيب وبعد 3 سنوات .. وش نسوي ولا خلال ال3 سنوات هذي وش الإجراء المتخذ للسلع الباهضه !! 5- منع أي نوع من الممارسات الاحتكارية ، وإعادة النظر في نظام الوكالات التجارية لمنع الاحتكار طيب جينا نبي نفتح وكالة قطع هوندا وعيتوا .. قلنا طيب توشيبا وعيتو .. كل شي محتكر .. تصدقون حتى شامبو بيبي جنسون محتكر ؟؟ 6- تفعيل الدور الرقابي والتوعوي لجمعية حماية المستهلك ايه اتركوا لبن المراعي وخذوا لبن الري .. هذي هي التوعيه .. 7- تكثيف جهود مراقبة الأسعار ، ومكافحة الغش التجاري اكتفي بهالمقوله ::: ( حيلهم بينهم ) 8- التأكيد على تفعيل نظام المنافسة الذي يهدف إلى حماية المنافسة العادلة وتشجيعها هو بقى راس مال عشان ننافس .. الواحد يالله يقول الستيره .. وبس 9- إصدار نظام الرهن العقاري والأنظمة المرتبطة به بشكل عاجل هو في عقار عشان ينرهن ؟؟ 10- تفعيل الهيئة العامة للإسكان بشكل عاجل وتمكينها من مزاولة مهامها خلال هذا العام اشخاص يشغلوا مناصب لأول مره يسمع بإسم هيئاتهم ... بدل مايكون تفعيل ليه مايتم اقالة لرئيسهم وتوجيه السؤال له عن تقصيره .. 11- المسارعة في بناء الإسكان الشعبي الذي تم اعتماد مبلغ عشرة مليارات ريال له ، على أن يتم ذلك على شكل وحدات سكنية مناسبة بما في ذلك بنايات متعددة الأدوار ، مع استمرار اعتماد مبالغ إضافية للإسكان الشعبي في السنوات القادمة. على طريق صلبوخ - على طريق جيزان - على طريق و على طريق وعلى طريق .. الا نسيت اسأل حنا ضبان يومكم تبنون لنا بالبر ؟؟ 12- استمرار مراجعة الإجراءات المتعلقة بتسعير الأدوية وتسجيلها ، والإسراع في إنهاء الدراسة الخاصة بالتأمين الصحي على المواطنين. عدلوا المستشفيات معها .. تعبنا من الاخطاء الطبيه وكل دكتور يشخص على مزاجه .. 13- تسهيل إجراءات الاستقدام بما لا يتعارض مع توجهات السعودة وبما يحد من ارتفاع أجور العمالة الماهرة والبلد ناقصه عماله ..... بدل مانطردهم مثل الكويت .. نسبة البطاله ياوزير العمل وياوزير الخدمة المدنيه زادة الى 12% لاحول ولاقوة الا بالله .. والله ارتفع ضغطي ..