[ابو سارة]

اقتباس المشاركة الأصلية كتبت بواسطة رمـ اد إنـ ،،، ــ انه ابو ساره كلامك منطقي..وانا فكرت كثير اضارب المهم ان السوق يقفل وسيولتي خارج السوق سواء بعت بخساره او ربح..عالاقل اضمن فلوسي والخساير نعوض الايام الي بعدها لكن سؤالي الحين هل ابيع كل المحفظتين اصفيهم نهائي او ابيع اقل الشركات خساره او الشركات الي مافيه امل تتحرك زي اللجين والبلاد لهم سنه تقريبا وغيرهم او اناظر اقل راس مال داخله به وابيع او ماذا بالضبط؟؟؟ غير كذا انت تقصد ادخل في نفس السهم الي بعت به بخساره؟ طيب بعضها اسهم اصلا خسرانه وماتتحرك الا نص ربع ريال ووقت الانهيار اول وحده تنسب تحت جزاكم الله خير جميعا على تفاعلكم مع موضوعي وعسا ربي يرزقكم من واسع فضله ويفرج عني وعنكم دمتم بخير

طالما ماتبين تضيفي سيولة على المحفظة امامك حلين

الحل الاول : تشوفي اثقل سهم في محفظتك واكثره خسارة وتستخلفي الله وتبيعيه وتستخدمي سيولته في التعديل بدءا بالاسهم الاقل خسارة والاسرع تحركا

الحل الثاني :
كل سهم تبين تعدلين عليه بيعي جزؤ من الكمية الموجوده ( ربع الكملية - نص الكمية .. الخ ) واستخدمي سيولتها للتعديل بنفس السهم

لازم يكون بالك طويل على الاسهم اللي تحركه ثقيل

والافضل من وجهة نظري والقرار طبعا يعود لك انك تدخلين سيولة مؤقتا يعني لمدة شهرين الى اربعة اشهر وتستخدمين السيولة الداخله في التعديل وبعد الفترة المحدده تسحبي السيولة وتكون اسهمك اذا ماتعدلت بالكامل فهي قريبة جدا من اسعارها الحاليه وتقدرين تسحبين السيولة اللي دخلتيها بدون ماتتاثر المحفظة

اهم حاجه انك تدخلين بالسهم من نقطة دخول صحيحه وتخرجين منه ايضا من نقطة صحيحه عشان ماتنتظرين زيادة ويتطول فترة التعديل

واذا احتجتي مساعده في تحليل سهم معين ضعي استفسار بالمنتدى وانا متاكد بتلقين بدل المساعده عشر مساعدات وبنسوي لك التحليل المناسب ونعلمك وقت الدخول واذا بغيتي خطة للتعديل تراني مسويها اكثر من مره وفقط اللي ابيه دعوه بظهر الغيب لي ولامي ...

هناك حل ثالث انا استخدمته بصراحه يوم وصلت محفظتي لخسارة 65% ... غمضت عيوني وبع بع بع

والحمد لله قدرت اغطي الخاسرة خلال خمسة اشهر

لكن بصراحه ما انصح فيه خصوصا المستثمر ....

ربي يوفقك ويعوضك ويعوضنا الخسارة اجمعين