Header

 


تبرع لدعم المنتدى

ممنوع منعاً باتاً وضع صور النساء في المواضيع و التواقيع , أو نشر فيديوهات او صور فضائح

 سيتم حذف أي موضوع أو توقيع يشمل ذلك .

العودة   منتــدى الأعمـــال > المنتديات العامة > إستراحة المنتدى

إضافة رد
 
أدوات الموضوع انواع عرض الموضوع
قديم 04-12-2006, 03:01 PM   #1
shart

محــــلل فنــي


عضــــو ممــيز


المعلومات





آحدث المواضيع


الاتصال

shart غير متصل

shart is on a distinguished road
افتراضي جنني هالطالب ,, ودي اقدم استقالتي

بسم الله الرحمن الرحيم ..


السلام عليكم ورحمة الله وبركاته ..


اليوم أبقولكم مواقفي مع طالب عندي .. عسى الله يعينني عليه


اسمه مشاري..

مشاري في سطور ..

مشاري هذا الله يسلمكم طالب من طلابي ..

ولأني جديد في مجال التعليم >> فطفوط يعني

أي موقـف يصير في المدرسة أتعقد منه ..

وكان يزوّل( يتراوى) لي بمشاري .. حتى إني قمت أحلم فيه

لا بارك الله في عدوه ..


مشاري نحيف وصغير وصوته غليظ بالحيل >> ما أدري وشلون تجي

ومع إن مشاري جايـب لي ضغط وسكر ونزلة برد

إلا إني ما أرتاح لين أشوف خشته بالفصل ..


المهم .. خلونا ناخذ بعض مواقـف مشاري في بعض الحصص ..




حصة رياضيات ..



درسنا اليوم عن الطرح .. من يعرف وش معنى الطرح ؟؟

أشوف يد مشاري طالعة من الزاوية وهو ما أشوفه

أنا يا إستاد .. أنا يا إستاد >> أزعجني بصوته الغليظ

قلت يالله يامشاري .. وش معنى الطرح ؟؟

قال نطلع بالساحة ونـتطارح .. واللي يطرح خويه هو الفايز

( صقع (ارتفع ) القولون معي .. وجلست شوي علشان ما أرتكب جريمه )

وقلت له يا مشاري معك عشرة ..

وإشتريت بريال ببسي .. وبريال حلاو .. وبريال علك

كم باقي معك ؟؟

قال معي ببسي .. و حلاو .. و علك >> غباء مستديم

قلت له طيب كم رجع لك راعي البقالة ؟؟

قال رجع لي فلوس ..

( لاحول ولا قوة إلا بالله )



حصة رياضة ..



مع إن مشاري صغير وجسمه نحيف .. بس عليه رجل يا ستـّار

وكان يسميها ( الخبلة ) لأنها ما تميز بـين الصديق والعدو

والكورة إذا تواست مضبوط على رجله ..

ما راح يصير إلا واحد من أمرين ..

الكورة تـنـشق وتـنـشب في رجله ..

أو ..

تجي هدف وتشق الشبكة .. بعد ما تشق وجه الحارس

والله يعين الحارس .. لأن أحسن دكتور بالسعودية

ما يقدر يسمكر وجهه ..



حصة فنية ..


يوم السبت والمكنى بـ( أبو لطمة ) الحصة الأخيرة ..

كنـت طفشان مرة .. والأخلاق خربانه

دخلت على الفصل متلطم .. وقلت كل واحد يطلع الكراسة والتلوين

ويرسم أي شي .. إن شاء الله يرسم تيس يسوق تريله ..

كل طالب طلع كراسته وتلاوينه إلا مشاري طلع دفتر العلوم وقلم مرسم

يقول ما معي نسيتها >> مشيتها له هالمرة

وقبل نهاية الحصة بربع ساعة .. قلت كل واحد يوريني وش رسم ..

فيه اللي رسم سيارة .. وفيه اللي رسم سفينه .. وفيه اللي رسم نخلة

إلا مشاري .. رسم نقطة >> حصة كاملة وما رسم إلا نقطة !!

قلت وش هذا يامشاري ؟؟

قال بعير جاي من بعيد ..

( أنا وش أسوي بهالسلوقي يا ناس ؟؟ أذبحه .. )







الإذاعة المدرسية ..


مقدم الإذاعة : والآن مع كلمة الصباح والطالب مشاري ..

طلع مشاري وما معه أي ورقة كاتب فيها الكلمة علشان يقراها

قلت يا عيني يـبي يتكلم إرتجالي .. وكنـت أحس إنه يـبي يجب مطمة

أثاريه ناسي الورقة بالبـيت ومتوهق أبو الشباب ..

قام يعدل المكرفون .. وقال :

مديري الفاضل .. أساتذتي الكرام .. إخواني الطلبة >> بداية موفـقة

إحم إحم .. آ .. أم .. أو .. يا .. >> اثريه الماخوذ بلشان

وبعد عدة محاولات .. إنطلق لسانه بخطبة حماسية


( اسمعوني زين ولاتقولون ما قال لنا مشاري ..

خلوكم عند أبوانكم لاجاهم ضيوف وزينوا لهم قهوة و شاهي ..

ولاتـنسون تسون شاهي مر .. لأني البارح سويت شاهي حالي بس ..

وجانا الشايـب أبو حمود الله ياخذ وجهه .. وهو ما يشرب الحالي

وأنا حذرتكم وإنـتم بكيفكم .. تسمعون .. )



وبعد هالكلمة الإرتجالية .. حصل له سبع عصيان من المدير

وطلق إنه مايطلع بالإذاعة مرة ثانية ..



سألت المذكور مرة .. وش تبي تصير إذا كبرت ؟؟

قال ما يـبـيلها كلام أكيد أصير شايـب ..

( إن لله وإنا إليه راجعون )


مشاري نجح بالواسطة والطلايـب وحب الخشوم ..

وراح للصف الرابع >> كل هالسوالف وهو بالصف الثالث

والله يعين عليه السنة الجاية ..


كل اللي أبـيه منكم .. دعواتكم إن الله يصبرني عليه


ونصيحتي لكم .. اللي يدرس بالكلية أو الجامعة ..

يفصل ويدور له دورة بأمن الطرق أوفـق له ..


الشاهد من هالموضوع والله يهالطلاب ما هم عرفكم شياطين والله انهم هستروا بي انهم عيفوني بالتدريس

هالسمرمديه لاكن ما نقول الا الله يهديهم







بقلم أخوكم المغلوب على أمره عدو مشاري اللدود










تستطيع أن تنشر الموضوع قي حسابك على  الفيس بوك وتويتر

رد مع اقتباس
قديم 04-12-2006, 08:16 PM   #2
بيادر الحب
المراقب العــام
الصورة الرمزية بيادر الحب

المعلومات





آحدث المواضيع


الاتصال

بيادر الحب غير متصل

بيادر الحب تم تعطيل التقييم
افتراضي

هههههههههههههههههههههههههههه


رووووووووووووووعه..


والله أن مشاري هذا شي ...تحفه...

بالعكس أنا أشوف الولد عبقري ...وفنان...لا تدفنون مواهبه...ما ضيعنا ولا دفن مواهبنا الا

هالمدرسات والمدرسين ..

أما رسمة النقطة وانها بعير جاي من بعيد ...تدل على عبقريه مدفونة ومغلفه بصبغ باتكس

قوي ...


ههههههههههههههههههههههههه


ننتظر المزيد من مغامرات شارت مع مشاري وربعه...

حاجة وحدة أستغربها يا شارت أنك تكون مدرس مع احترامي الشديد لك ...بس مو لايق عليك

التدريس ؟؟؟؟!!!!!






التوقيع

.
.
.




ليس الوجع في أيام الفقد الأولى ، بل حين تأتي الأيام السعيدة
فتجد أنّ من يستطيع مشاركتك فرحتك بشكل أكبر و أعمق قد رحل ..!!










.
.

رد مع اقتباس
قديم 04-12-2006, 08:52 PM   #3
Saudi
.

المعلومات





آحدث المواضيع


الاتصال

Saudi غير متصل

Saudi is on a distinguished road
افتراضي

ههههههههههه

والله وطلعت مصخره ياصديقي والورعان دارعين فيك






رد مع اقتباس
قديم 04-12-2006, 11:35 PM   #4
shart

محــــلل فنــي


عضــــو ممــيز


المعلومات





آحدث المواضيع


الاتصال

shart غير متصل

shart is on a distinguished road
افتراضي

اقتباس
المشاركة الأصلية كتبت بواسطة بيادر الحب
هههههههههههههههههههههههههههه


رووووووووووووووعه..


والله أن مشاري هذا شي ...تحفه...

بالعكس أنا أشوف الولد عبقري ...وفنان...لا تدفنون مواهبه...ما ضيعنا ولا دفن مواهبنا الا

هالمدرسات والمدرسين ..

يا رب يا رب يا رب تصيرين مدرسه وتجيك طالبه اسمها عمشاء تكون تحفه اكثر من مشاري علشان اشوف وش تسوين

أما رسمة النقطة وانها بعير جاي من بعيد ...تدل على عبقريه مدفونة ومغلفه بصبغ باتكس

قوي ...


ههههههههههههههههههههههههه

عبقريه ؟؟!! إيه واضحه بالحيل شكله قاريها او سامعها من أحد هالسالفه وجاي يستخف دمه عندي


ننتظر المزيد من مغامرات شارت مع مشاري وربعه...

شكلي بقدم استقالتي علشان اقطع المغامرات عنك

حاجة وحدة أستغربها يا شارت أنك تكون مدرس مع احترامي الشديد لك ...بس مو لايق عليك التدريس ؟؟؟؟!!!!!

بالعكس جتني شهادات شكر وتقدير وانا مدرس محبوب من الطلاب ومستواي منتاز( ن ) بالحيل بس الصغّير هبلبي









رد مع اقتباس
قديم 04-12-2006, 11:37 PM   #5
shart

محــــلل فنــي


عضــــو ممــيز


المعلومات





آحدث المواضيع


الاتصال

shart غير متصل

shart is on a distinguished road
افتراضي

اقتباس
المشاركة الأصلية كتبت بواسطة Saudi
ههههههههههه

والله وطلعت مصخره ياصديقي والورعان دارعين فيك

وخر مناك انت بعد

لا بالعقال على غاربك






رد مع اقتباس
قديم 05-12-2006, 12:53 AM   #6
وهـــج
شمعة المنتدى
رائدات التأسيس
الصورة الرمزية وهـــج

المعلومات





آحدث المواضيع


الاتصال

وهـــج غير متصل

وهـــج is on a distinguished road
افتراضي

هههههههههههههههههههههههههههههههههههههه

ههههههههههههههههههههههههههههههههه


والله رهييييييييييييييييييييييب مشاااااااااااااري يجنننننن



بس فيه شي محيرني انت مدرس ايش بالضبط






رد مع اقتباس
قديم 05-12-2006, 03:34 AM   #7
shart

محــــلل فنــي


عضــــو ممــيز


المعلومات





آحدث المواضيع


الاتصال

shart غير متصل

shart is on a distinguished road
افتراضي

وهوجه

انا مدرس كل شئ

سبع صنايع والبخت ضايع

بتاع كله يعني






رد مع اقتباس
قديم 05-12-2006, 04:15 AM   #8
mtkhreb
الصورة الرمزية mtkhreb

المعلومات





آحدث المواضيع


الاتصال

mtkhreb غير متصل

mtkhreb is on a distinguished road
افتراضي

تتوقع في رابط بين مشاري و سعودي ....






رد مع اقتباس
قديم 05-12-2006, 04:26 AM   #9
shart

محــــلل فنــي


عضــــو ممــيز


المعلومات





آحدث المواضيع


الاتصال

shart غير متصل

shart is on a distinguished road
افتراضي

اقتباس
المشاركة الأصلية كتبت بواسطة mtkhreb
تتوقع في رابط بين مشاري و سعودي ....

والله يبو عبد العزيز عندي شكوك قويه بوجود رابط بينهما

كلهم خبول






رد مع اقتباس
قديم 05-12-2006, 05:43 AM   #10
الاميره المحرومه
أميــرة المنتدى
الصورة الرمزية الاميره المحرومه

المعلومات





آحدث المواضيع


الاتصال

الاميره المحرومه غير متصل

الاميره المحرومه is on a distinguished road
افتراضي

ههههههههههههههههههههههه

مغامرات روعه غطت على سوالف جدتي,,,






التوقيع



رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


 
   ابحث في المنتدى برعاية Google
واحصل على نتائج افضل    
Search with Google
أدخل العبارة التي تبحث عنها
 
 

ط³ظٹط§ط³ط© ط§ظ„ط®طµظˆطµظٹط© / Privacy-Policy

سياسة الخصوصية / Privacy-Policy جميع الحقوق محفوظة لمنتدى الأعمال

الساعة الآن 03:43 AM
Powered by vBulletin® Copyright ©2000 - 2024, Jelsoft Enterprises Ltd
Protected by Mt.AtSh

أنواع التأمين insurance management services http://www.insurance-2.com/
روائع تستحق المشاهدة misc wonders , news http://misc-wonders.blogspot.com/
الربح من الانترنت how to make money online http://moneyrood.blogspot.com/
أغاني للأطفال kids and songs http://kidsandsongs.blogspot.com/
كتاب كيف تصبح مليونير من الانترنت graphic design http://gfxnew.net/go/
بال ديزاين للتصميم والاستصافة hosting and web design http://paldesign.net/