خــــــليجـــية

خليجيه .. خليجيه

ألا يابنت يازين الوشــــــاح اللي يلــف الراس = يعرفك كل من شافك يقول انك خـليجيه

خليجيه تربيتي عــــــــلى الحشمه وزين لباس = تميـّزتي عـن العـالم اذا شــــافوك يابنيّه

خليجيه نعرف اصلك اصيله من عرب من ساس = اصــــــولك لو نتابعها نهايتها قــبيليه

ترى انتي كرّمك ربي بدينك واختلاف اجناس = طبيعه مانغــيّرها.. مادام انها إلاهــــــيه

تربيتي عـــــــلى دينك ودينك يرفض الادناس = يعصمك دينك الطاهر وعـلّمك الاصوليه

خليجيه ولايهمك دعاة الفـسـق للوســــــــواس = على الموضه ينادو لك بصرخاتٍ جنونيه

يابنت الناس موضتهم تبلّد عندك الاحساس = فلا.. تخــلّيـن نظـــــراتك يابنت الناس دونيه

وشوفي كل ماتطلع لهم موضه يضيق قياس = هـدفهم جـسمك الطاهر يبـونه يبرز شــويه

ترى اللي يصنع لباسك دياناته هوى واوناس = ماعـنده غـيره لعرضه ولقى فيك النجوميه

تراهم شعب مايرضى بدينك قارعين الكاس = ولايرضون مادمتي عــلى المله حـــــنيفيه

يلمع صنعته وانتي على جهلك غشاك نعاس = يروّج ســلعته بأتـفـه أســــــــاليب احـتياليه

يابنت انتي مثل حلوى لذيذه داخل القرطاس = اذا قـرطاسها شالو... جهلنا من اي جـنسيه

يبنت الناس من بين الجواهر يبرز الألماس = وانتي حــشمتك تبرز مــادام انك مـــــــثاليه

مدام انك ذهب صافي ماقارن لمعتك بنحاس = وانتي معدنك غــــالي وأثمـــــانك خـــياليه

اشوف الناس تتغير وزمنا صار به هوجاس = نسينا جنة الخـــــالق ومـبادينا الســــــماويه

بعضنا ضعف في دينه يحس ان لبسهم نوماس = يقول: انّا تطورنا وموضتهم حــضاريه

غني واشترى منهم وهو في قمة الافــــــــلاس = لانه ماملك كـنز الحـــــشيمه والرجوليه

الاياكيف ما نفكّر.. وطهارتهم هي الانجاس = ونلهث من ورا المـــوضه نبيها للرومنسيه

حسافه طبلهم يضرب وانتي غاية المـــرواس = ومدام انك تراقصتي حسافه جيتي السـّيه

يابنت الناس يغوونك بحجة موضة الاعراس = يشيلون الحياء وانتي اصيله واحـــتشاميه

وانادي ياخليجيه يادرة في بحــــــــــر غطاس = وانادي ا سلامنا كله بهالدنيا شمــــــوليه

وانادي كل عالمنا واحــط اســــــــلامنا نبراس = واعـم اســـــلامنا كــــله دول والاّ أقـليّه

انا يابنت خـــــــــصّيتك وميّــزتك مـابين الناس = لأنك مني وفيني وانتي دوم مــــــــبليه

خليجيه تميزتي بغــطـــوه مع عــــــــباية راس = يعرفك كل من شافك يقول انك خليجيه

بريدي

[بيادر الحب]

تسلم على هالنقل ...

[سونه2006]

يسلموااااااااااا

بيادر الحب / سونه2006
أشكر مروركم وتعليقكم تحياتي

[الاميره المحرومه]

مشكوووور..


تسلم يمين من كتبها ..


ومن نقلها ..

اقتباس المشاركة الأصلية كتبت بواسطة الاميره المحرومه مشكوووور.. تسلم يمين من كتبها .. ومن نقلها ..

سلمك الله مع خالص شكري للمرور