|
|
|
|
|
|
ممنوع منعاً باتاً وضع صور النساء في المواضيع و التواقيع , أو نشر فيديوهات او صور فضائح
سيتم حذف أي موضوع أو توقيع يشمل ذلك .
|
|||||||
 |
|
|
أدوات الموضوع | انواع عرض الموضوع |
23-06-2007, 12:01 PM
|
#1 |
|
محلل فني
|
بـ 500 ريال اعلمك اذا رجلك معرس عليك
السالفه ان مديرة مدرسة عزباء غابت عن المدرسة يومين ويوم رجعت للدوام تجمعن عليها الابلات ( يعني المعلمات باللغه الهيروغليفيه  ) وسالنها سلامات وينك يامديرة ؟قالت لهن باركولي تزوجت  قالن مبروك يامديرة ولكن منهو زوجك ؟ قالت لهن : بصراحة زوجي هو زوج وحده منكن ..  الابلات وصلت سعابيلهن الى فصل ثالث ب وطقتهن ام الركب وسالن المديرة : منهي ... ؟؟ تكفين علمينا أي وحدة منا ؟  قالت المديرة مانب معلمه كل وحده تعرف زوجها واكيد بتكتشف من نفسها  فرضن عليها حظر تجول وحصار وهاتها وردها وتكفين واللي تحبب ايدينها واللي تهمز ركبتها واللي فلت شعرها وقعدت تجدله  وبعد مفاوضات واخذ ورد قالت المديرة : أنا ماراح اتكلم .... لكن اللي تبي تعرف هل هو زوجها وإلا لا تجيب بكره معها خمسمية ريال  وانا باحط دفتر التوقيع على طاولتي وإذا جت توقع تحط الخمسمية على الطاوله واللي آخذ خمسميتها تطمن انه ماهو زوجها واللي أخلي خمسميتها على الطاولة ولا آخذها تستخلف الله في زوجها تراني ضرتها  وترا العرض هذا عشانكن صديقاتي وعيب علي اتزوج واحد من رجالكن وآخذ بعد منها خمسمية ريال  وافقن المعلمات على الطريقة وياطولك ياليل الين بكره .... ويوم جاء بكرا وكل وحدة مزهبه معها الدراهم .. وطبعا كلهن حضرن بلون موحد وه وهوالاصفر البرتقالي من الخرعه  جت الأوله والثانية والثالثة والرابعة حتى العاشرة والمديرة تاخذ الدراهم ..  يوم جت المعلمة المعلمة الحادية عشر.... بدت المديره تأفف ...  المعلمة حطت الدراهم على الطاولة وقالت لها تكفين خذيها يالمديرة قالت المديرة : اعذريني ....  قالت المعلمة : كانها قليلة حطيت ألف بدال الخمسمية !!!!!!!  قالت المديرة أووووووووووووه معليش أثرك أنتي جواهر والله اني آسفه غلطت  تنفست المعلمة كل الصعداء اللي انذكر بكتب التاريخ وتراجعت دقات قلبها من تسعمية دقة بالثانيه وقالت الحمد لله يعني بتاخذين الفلوس والف مشكورة وعساك على القوة وكل عام وانتي بخير وتقبل الله حجكم وقيامكم وجعلها في موزاين اولاد السعاده وعشاكم بكره عندكم  اخذت المديرة الفلوس .. ودخلن بقية المعلمات حتى ال 23 والمديرة تلعب باعصاب كل وحده .. اللي تخزها بعين الين ينسمع مصافق ركبها من ثالث شارع واللي تصد عنها لادخلت وسبعطعش لون في وجهها ...  لكن في النهاية تاخذ الخمسمية المهم بقي معلمة وحدة فقط ماجت اتصلن عليها المعلمات هاه وينك يا استاذه ؟ قالت : والله اني تعبانه وماني جايه ... بس طمنوني منهو اللي زوجها تزوج المديرة ؟ قالن لين الحين مابين شي والمديرة عيت تاخذ الفلوس لين تحضر كل المعلمات ( يلعبن عليها بس يبونها تجي عشان يتطمنون إنها هي لأنه مابقى إلا هي ) تكفين لازم تجين ... جت تسحب رجليها بالقوة ودخلت على المديرة والمعلمات كل وحده مبسوطة انها مهي هي  وبدن يسمن على المعلمة ال 24 عشان ماتنصدم واللي تقول الحين بيغمى عليها خلونا نكلم الاسعاف واللي فتحت المصحف عشان تقرا عليها .... دخلت المعلمة الأخيرة غرفة المديرة وحطن باقي المعلمات ايديهن على قلوبهن وحطت المدرسة الخمسمية على الطاولة وضفتها المديرة .....!!  يوم طلعت كل شي عادي وماصار شي وفلوسها أخذتها المديرة ....!! قامن يسالن بعضهن يابنات فيه وحده منكن ماخذت المديرة دراهمها ؟ قالن لا والله كلنا اخذت دراهمنا .  ويجن المعلمات مثل السيل العرمرم ويدخلن على المديرة قالن الحين اخذتي الفلوس من كل المعلمات تلعبين علينا منهو زوجك ؟  قالت المديرة اهم شي قبل اعلمكن الدراهم ( 12000 ريال ) ماراح ترجع ...... وأنا والله لا تزوجت ولا شي لين الحين عزوبية بس كنت مريضة هاليومين .  ولكن صارلي اكثر من شهر اتطلبكن كل وحده تدفعن مية ريال عشان نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد .. قالن المعلمات : الدراهم عليك بالعافيه وتفداك ولو تبين زود عطيناك وان شاء الله تبنين اربع مساجد زياده والا انقلي الحرم بكبره هو صدق بس رجالنا ماتزوجوا علينا  وتوته توته انتهيت من نقل الحدوته تستطيع أن تنشر الموضوع قي حسابك على الفيس بوك وتويتر |
|
|
23-06-2007, 03:36 PM
|
#2 |
|
|
رد: بـ 500 ريال اعلمك اذا رجلك معرس عليك
ههههههههههه لا يكون انت بس زوج وحدة من ا لمعلمات
|
|
|
|
23-06-2007, 04:14 PM
|
#3 | |
|
الغالــــية
|
رد: بـ 500 ريال اعلمك اذا رجلك معرس عليك
هههههههههههههههههههههههه
يالله وش اقول وانا من الحريم لاحول ولاقوة الا بالله أثرنا كذا مهبل |
|
|
|
|
23-06-2007, 04:41 PM
|
#4 | |
|
المراقب العــام
|
رد: بـ 500 ريال اعلمك اذا رجلك معرس عليك
ههههههههههههههههههههههههههههههههههه
هههههههههههههههههههههههههههههه ههههههههههههههههههههههههه ههههههههههههههههههههه الله يسعدك على هالصبحية الحلوة ... |
|
|
|
|
27-06-2007, 07:06 AM
|
#5 |
|
|
رد: بـ 500 ريال اعلمك اذا رجلك معرس عليك
ههههههههههههههههههههههههههه
الله يهديكم ويحفظ ازواجكم! والظاهر اني بسويها ....................... |
|
|
|
04-07-2007, 11:59 AM
|
#6 |
|
|
رد: بـ 500 ريال اعلمك اذا رجلك معرس عليك
ههههههههههههههههههههه
رهيب ابو ساره  |
|
|
|
04-07-2007, 01:19 PM
|
#7 | |
|
أميــرة المنتدى
|
رد: بـ 500 ريال اعلمك اذا رجلك معرس عليك
هههههههههههه
هههههههههه رهيبه بجد.. اما فكره ما تخرش الميه.. يسلموو ابو ساره |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
العرض العادي
