ممنوع منعاً باتاً وضع صور النساء في المواضيع و التواقيع , أو نشر فيديوهات او صور فضائح
سيتم حذف أي موضوع أو توقيع يشمل ذلك .
|
|
أدوات الموضوع | انواع عرض الموضوع |
26-04-2007, 04:36 PM | #1 | |
|
الضربه القاضيه ... (( السفريه الأخيره )) ,,,
السلام عليكم ورحمة الله وبركاته استهدوا بالله ووحدوه .. ووسعوا صدوركم .. جايبلكم سالفة سفريتي الاخيره .. الله لايعودها من سفريه .. صدق انها وناسه بس ياكثر الافلام المدبلجه اللي مريت فيها .. 1 2 4 <<< بكيفي دقوا على مجموعه من التماسيح العضماء .. من بلاد الأهرامات ..وقالوا ديره لاتفوتك يامتكهرب .. قلت انا عاد في نفسي دام صديقي كعبول راعي باريس استانس .. اجل جايك يالمليونير .. وحرفش يمين ويسار مالقيت حجز يناسب اجازتي .. واجلس اسولف على العيال بالملحق السالفه .. ومادريت الا ذاللي يناقز قدامي صديقي الصدقي عزوز .. ويطقق صدره كنه ميت له قطو .. وانا اسمي عليه .. واتذكر (( افلا تنظرون الى الابل كيف خلقت )) .. ويقولي عندي ومالك هم .. وفجأه قلب وجهي كنه قناة الــ LBC وبانت دعاية سنسوداين بوجهي قبل لايحاربون التسوس ... عطيته جواز السفر << طبعا واثق عشانه جديد ومافيه اسم امي .. والدقايق تمشي .. والساعات تمر ... <<< صارقها من دعاية جلكسي ومادريت الا وذاك اللي يطامر من بعيد ومعه اوراق كنه معقب طالع من المرور بدري .. والفرحه تعتقل مهجتيه طبعا مهيب عوايده يكون حبيب بس مدري وش قلبه ذيك الليله .. سبحان مغير الحال من المحال .. ويركض ويركض ويركض ويركض <<< يبي يبين لكم ان ملحقهم كبير وانا ارتاع وانط على رجولي << اجل على يديك واتولم كنه بيشوت بلنتي .. وهو يفتح ذراعيه بقوه .. وصكني بذاك الجواز لين طلع شكل السيفين بخشمي ,,, وانا اللي امغط له عيوني .. كني اقول لو انك رجال عدها بس << ايه طيب وهو يجلس ويلفح ام كاس المويه بسرعة الصوة .. ويقولي حجزتلك على خطوط طيران الخليج بس مافيه الا عن طريق البحرين .. وانا اللي ودي اضحك وودي اطقه .. وودي افرح وودي ازعق بذنه .. يعني شعور مره غريب اقدر اسميه لكم غبطة الفرح .. ودي اني كنت ذيك الساعه اعطس وماسمعت شئ .. استحيت ارده ولا افشله << علينا يامناحي وانا اقوله بيض الله وجهك .. ولاعاد تتعودها لأخلي هالنخله اللي باقي بهالجواز تطلع براسك توكلنا على الله .. اهم شي نروح للتماسيح .. <<< مسوي مايبي وهو شوي ويطير واقعد لي اسبوعين وانا افرفر كل محل بالخبر والدمام .. لين جمعت لي كم خرقه وطلع شكلي من بعيد تسني رامي عياش بشبابووو << ايه طيب ومر ذاك الحلاق واقوله اليوم يومك سوا كل اللي بخاطرك .. لاتخلي شي في نفسك الا وتسويه بس فكنا من سفاسف الامور << ابد الحلاق ماكان وده يختلي بي << صدق انه رامي عياش وعقبها ضفضفت قشي بشنطتي << عساكم ماتشوفون وش لون الشنطه واطلع لم البحرين .. وباقي على الرحله 4 ساعات << حريص جايهم من بدري .. واوقف سيارتي بالمواقف وانزل منها << العاده اوقفها جمب الطياره .................. بغمضة عين مادريت الا وانا بصالة المطار متجه مع ركاب طيران الخليج .. الا والقى قدامي 12 موظف وموظفه .. وانا اوقف وانزل نظارتي البنيه.. واقزقز وش السالفه .. الا والقى ذاك الصف اللي مافيه الا واحد .. وانا انصاه بشويش ..اخاف احد يسمعني وانا اركض ثمن يمتلي .. واطفي ال <<< مشغله عشان مايسمع الذب اللي بيجيه واوقف بالصف واتويقع وانا واقف يمين يسار .. ما اشوف موظف بالسيد اللي انا فيه .. وفجأه اللي قدامي راح .. شلون مدري .. وانا اللي اتقدم .. واسدح النظاره على خشمي .. << درينا انك لابس نظاره الا وذيك الموضفه الصغينونه .. اللي تحسها وهي جالسه اطول من وهي واقفه .. وتعتليني .. في تلك الحظه شعور الطاووس اللي بالمزرعه .. وانا اللي اعطيها التذاكر والجواز .. + ابتسامه خفيفه وهي طبعا لازم ترد الابتسامه ..<< عشانها مجبوره ولا موب على خشتك واسمع قريع اظافرها على الكيبورد وهي تشوف حجزي .. لدرجة اني ماعاد ميزت بين قريع اظافرها .. وقريع قلبي .. المشكله اني وانا واقف مدري ليه جتني دوخه .. الزبده وانا مفهي مادريت الا وكأنه شطف وجهي سيف فضي لماع يشبه سيف الاولين بس ذا احلى .. وريحته زينه .. ولمحه اخرى لثغرها المبتسم وكوانز لؤلؤه المكنون << اقول اخلص يالمتنبي وهي تهمس .. وانا اللي احرك راسي بقوه .. كنه داخل بذني مويه .. واقول ممكن تعيدين وش قلتي بس بدون ابتسامه عشان اعرف اركز .. وانا اللي اسمعه قهقهتها بصالة المسافرين .. ومدري شلون ارتفعت نظارتي .. بس يبدولي ان الخجل يؤدي الى تقلص الخد مما يؤدي الى رفع النظاره << احسن من هالتعبير مالقيت المهم وتعيد لخبطة كيانها وتقولي .. رح للصف رقم 14 .. .. وانا اللي ينقلب وجهي .. وتدور في راسي بذيك الثواني 12 مسلسل مكسيكي غير مترجمه .. وودي اسأل ومستحي .. واعيد ادراجي للوراء .. واودعها بإبتسامه احلى من ابتسامة اللقاء .. واقول في نفسي اكيد اني ماسك صف حقين الدرجه السياحيه .. << يمني نفسه باللي هيبه وانا اروح للصف رقم 14 .. والقى سرا طويـــــــــــــــــــــــل ,,,, واقول في نفسي اكيد هذي ازين من ذيك ولا كام ماعطوها صف 14 تؤبر البي هالقمر << ياوالله من التناحه واحاول احوس من هنا ومن هناك .. وانا اقول وش هالطياره اللي كلها درجه اولى << خلاص درينا انطقينا لين جاء دوري .. وكل ماقربت من المنصه الا والابتسامه عندي تزيد.... وفجأه ............................................. الا وذاك الموظف اللي كله شعر .. الله لا يبلانا ... من كثر ماروعني حسيت انه بيطلع نار من خشمه ... ويمدلي يده .. وانا اقول في نفسي اكيد يبيني ارقص معه .. وتتلاشا علامات الفرح وتموت معالم الابتسامه .. وانا اللي تخنقني العبره .. واقول وين 14 معه .. هذا حتى التعداد السكاني ماحسبوه .. وانا اعطيه جوازي وانا ماسكه من اطرافه .. خشية على نفسي من انتقال العدوه .. ويطقطق له شوي بس مو مثل ذيك الطقطقه .. وانا اللي احاول اوخر وجهي يمين ويسار ..وفوق وتحت .. لين شدني شيء غريب .. اطالع فوق مكتوب طيران مصر !!!!!!!!!!!!!!!!!!!!!!!!!!!!!!!!!!! كيف طيران مصر .. وانا صديقي عزوز يقولي انت طيران الخليج !!!!!!! ويطلع شكلي مثل ذا >> ! وانا اللي اتجرئ واطالع فيه .. واقز لوحة اسمه .. واقوله ياعبدالفتاح .. هذا مو طيران الخليج !! + تعبيسه بسيطه ... <<< ايه تعرف من تبتسم له الا ويقولي .. (( أأقرأ الليفطه )) .. طبعا قعدت 3 ايام وانا اتابع روتانا زمان عشان افهم زين وش يقولون قبل لا اسافر .. وتذكرت هالجمله السابقه .. وكأنه يذب ووده يقولي ماتشوف اللي مكتوب ... وانا اللي اقوله بس انا حجزي على طيران الخليج .. + علامة برائه وهو اللي يقهقه قهقه ودكم ماتسمعونها .. ولا تشمون ريحتها <<< ابد مايعرف يحوم كبد الواحد وانا اللي اسكت وآخذ البوردنج .. واتفل العافيه .. واتذكر صديقي اللي مهوب صدقي عزيز يومه يستفزع لي وينط يحجزلي ويجيبلي التذاكر ... وانا اقول في نفسي وش هالحنيه هاللي طبت عليه .. << تعيش وتاكل غيرها يامتكهرب ((انتهى الجزء الأول )) مايستفاد من القصه : 1- مافي صديق صدقي بالزمن . 2- اذا ضحكتلك بنت اثقل . 3- ليت المصاريه يفرشون اسنانهم . 4- لاتركبون طيران مصر . (( تمت كتابة القصه على عجاله .. فلا تدققون على الاملاء )) تستطيع أن تنشر الموضوع قي حسابك على الفيس بوك وتويتر |
|
26-04-2007, 07:25 PM | #2 | |
المراقب العــام
|
رد: الضربه القاضيه ... (( السفريه الأخيره )) ,,,
أما طيران مصر ...حررركه .. تعيش وتاخذ غيرهــــــــــــــاااا ... |
|
26-04-2007, 08:34 PM | #3 |
مشرفه قسم العملات
|
رد: الضربه القاضيه ... (( السفريه الأخيره )) ,,,
متكهرب وش المسلسلات المكسيكيه عندك ابد موشي
تحفه انت وصديقك الموب صدقي بس بيني وبينك مافهمت القصه ليه ماسافرت لمصر طيب العوض ولا القطيعه<<<فاقده احساس |
26-04-2007, 11:32 PM | #4 | |
عضـــوة ممـــيوة
|
رد: الضربه القاضيه ... (( السفريه الأخيره )) ,,,
وانا اللي احاول اوخر وجهي يمين ويسار ..وفوق وتحت .. لين شدني شيء غريب .. اطالع فوق مكتوب طيران مصر !!!!!!!!!!!!!!!!!!!!!!!!!!!!!!!!!!! كيف طيران مصر .. وانا صديقي عزوز يقولي انت طيران الخليج !!!!!!! طيران مصر او الخليج احنا واحد وبنرحب بيك فى وطنك الثانى مصر وهتلاقى عندنا خدمة متميزة |
|
27-04-2007, 02:51 PM | #5 |
.
|
رد: الضربه القاضيه ... (( السفريه الأخيره )) ,,,
اشوى ماجاب طاري بالقصه وتبلي علي
ماهي عادتك خابرك فضيحه |
02-05-2007, 01:37 PM | #6 |
|
رد: الضربه القاضيه ... (( السفريه الأخيره )) ,,,
هارد لك تعيش وتاخذ عيره
|
02-05-2007, 02:15 PM | #7 | |
رائدات التأسيس
|
رد: الضربه القاضيه ... (( السفريه الأخيره )) ,,,
تعيش وتاخذ غيرهــــــــــــــا
|
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|