صالح الشادي 000في قصيدته ""الشيب"" ..!

[صدا الايام]

الشيب!!
هذا الضيف الأغبر زارني!.
والضيف له حقه وله تقدير..

موقـف

كنت في أول ثانوي ..انتبهت الصباح وأنا أتوضئ شي أبيض بشعري
حاولت أشيله ما طاع يروح ركزت انتباهي الا شعرتين بيض!!...
قلت يمكن جت منا وإلا منا ..
ركزت زين الا الشعرتين من شعر راسي!!!
أتذكر أني وقفت مبهوت أكثر من ربع ساعة قدام المراية..
وبعدين صابتني نوبة فرح مالها معنى ..
كنت مبسوط كني طفل فرحان بلعبته الجديدة ..
فرحت لأن الشيبتين _ حسب تفكيري
الطفولي ذاك الوقت _ أدخلني عالم الرجولة بسرعة ...
راحت السكرة وجت الفكرة ..
فكرت وش أقول لأبوي _ الله يرحمه _ لو سألني !!
بعد كم يوم وأنا جالس أتقهوى مع الوالد الفجر إلا يشوفهن
ما زلت برغم مرور عمر على الموقف ..
أتذكر انه تفاجأ بشدة ...
كان واضح الذهول على وجهه
بس ما قال شي مرة لي 00
ولا سألني ليه ..
لأنه لو سألني كان جبت العيد00
وقلت له عن همهمات المراهقة اللي جابتالشيبتين!!..
أتذكر مسح بيده على راسي ومررها على وجهي0
وقال : " أييييه يا ولدي 00الله يعينكم على زمانكم!!"
بعدها حاولت أشيلهن بعد ما صارت التعليقات من الشباب أكثر من اللازم ..
قال لي واحد من زملائي :أنتبه ترى كل شعره
بشعرتين !!
خفت وحاولت اني أتناساهن ..وبعد مدة
راحن.. وين مدري؟؟ ..
أتذكر وقتها استغربت
يمكن لأنه صارت عشرة بيني وبينهن ..يمكن فرحت إن التهمه راحت عني ..
يمكن ..يمكن!!!


""الـــــــــشـــــــــــــيــــــــــــب""

هذا الضيف الأغبر زارني!.
والضيف له حقه وله تقدير..
وأنا على ما شفتني يا طير..
مثلك أفزّ من الصدى..
احتاج مثلك للمدى..
للبوح..للتعبير...
خذني أبي أتنفس..
خذني ما دام إن المسا عسعس!..
والدااااار صااارت غير!!


يا طير يا رفراف..
خذني ورى الأطراف..
خذني ، وأنا المسؤول عني.. ولا تخاف!
الحزن من ربعي!!
وعشقي من عرفته ما تغيِّر..
في الصبايا ...وللرغيف لحاف..
يا طير يا رفراف...خذني ورى الأطراف..!!
خذني وبــ أحكي بـــ صمت ..
للشيح...للقيصوم...للعزّاف..
عن قصة غياب المطر...
وعن طعم هالدنيا بدون أنصاف..!!

الشيب..
من جيت أنزعه..
قالوا مردّك للبياض..
وكل شعره بـــ أربعة..!!
قلت أربعة!
قالوا كثر جهلك ولا لك اعتراض..
والحقيقة موجهة..
آآآه ياااا هي موجعة!!
إنّك تخون الشمس..والبرد يسريبك!!
آآآآآه يااااااهي موجعة!!
إنك تشوف مرايتك تفرح بتعذيبك..
يــ أنت يــا طيبك..
أشغلت نفسك في سراب من البشر..
غـــــابــــــوا..
ودورت العذر لغيابهم..!!
وفي غيبتك ما دوروا إلا عذاريبك..
تعوذ من إبليس ومن هالناس ومن طيبك..
يــــ أنت يا طيبك!

لو لاح لك وجهٍ من الماضي ..
تشجع وأصفعه..أو أمنعه..
ما ينفعك مثلك غبي..ولا تنفعه..!!
الشيب لو زارك ،وقارك فيه..
حييه..ثم حييه..ثم حييه..
الشيب مثل أحلى القصايد..
روعته في مطلعه!!..

طفلة وطاحت من زحام..
قالت : سلام!
قلت: السلام نام ..وخليني أنام!
من بعد نوّار العمر وش فايدة كثر الكلام!!
قالت سواليفك عسل..
زدني غزل ..زدني غزل..
ومن يطلب الجنة من أمثالك وصل!!
يا شاعري قم ..واسقني نخب الغرام..
قلت : السلام نام ،، وخليني أنام!
قالت : ولا قلّ الغلا..
أبيك أنا ..وإن قلت لا.!!
ولك ما تبيه من الولا ومن الحلا..
ولا لي بديلك في الملا..ولا لي مقام..!!
قلت : الهوى عند الخفوق إذا استوى
جهل وحرام!!
والشيبتين آخر مشاوير الصبا..
وأول مشاوير الصيام..!!
ولا على شايب ملام !!
قالت : سلام ..
قلت : السلام..
ويــ الله عسى حسن الختام[/size]
[/quote]

[mtkhreb]

استمتعت بالشيب ,,,,

والشيبتين آخر مشاوير الصبا..
وأول مشاوير الصيام..!!
ولا على شايب ملام !!

[منااير]

احسايس كثيره حسيتها وانا اقراء هالقصيده الرائعه

خوف وحزن وانكسار الخ ,,,

يمكن لاني كبرت وبدى الشيب يشرف

[t-a-r-e-q]

هذا الضيف الأغبر زارني!.
والضيف له حقه وله تقدير..
وأنا على ما شفتني يا طير..
مثلك أفزّ من الصدى..
احتاج مثلك للمدى..
للبوح..للتعبير...
خذني أبي أتنفس..
خذني ما دام إن المسا عسعس!..
والدااااار صااارت غير!!
-------------------------------------------------------------------------------------------------

الف شكر على الإنتقاء الأكثر من رائع

[صدا الايام]

اقتباس المشاركة الأصلية كتبت بواسطة منااير احسايس كثيره حسيتها وانا اقراء هالقصيده الرائعه خوف وحزن وانكسار الخ ,,, يمكن لاني كبرت وبدى الشيب يشرف

الشيب شيب القلب والله يعطيك الصحه

[صدا الايام]

اقتباس المشاركة الأصلية كتبت بواسطة t-a-r-e-q هذا الضيف الأغبر زارني!. والضيف له حقه وله تقدير.. وأنا على ما شفتني يا طير.. مثلك أفزّ من الصدى.. احتاج مثلك للمدى.. للبوح..للتعبير... خذني أبي أتنفس.. خذني ما دام إن المسا عسعس!.. والدااااار صااارت غير!! ------------------------------------------------------------------------------------------------- الف شكر على الإنتقاء الأكثر من رائع

حياكم الله