القسوة ... خالد الفيصل ... من روائع ماقرات

[ريميه]

ليـه ان حبـيتك اكثـر زدت قسـوهـ
وأن دريـت بحاجــتي لــك زدت جفوه

وإن عطيـتك مـن حيــاتي مـا تريدهـ
مـا كفـاك وتحسـب إن الحـب نزوهـ

والله انـي يـا احـب الناس احــبك
والله ان الروح لو ترضيك فدوه

والله اني تارك غيرك وجيتك
مزعل الزعلان والعذال عنوه

كل دقـه قلب فيني لك قصيده
تكفي الدنيا مع الاحباب غنوه

وكل هاجس ما يجيب الا خيالك
سلوتي بالعمر في صحوه وغفوه

اجمع احساسي واشواقي واجيلك
والبس ثياب الهوى والعشق كسوهـ

واتنقى لك من سواليفي حسنها
والقصايد من غزلها كل حلوه

وانثر العبرات والضحكات عندك
تاخذ الي تلتقي لك فيه سلوه

واذكر الله كلما ناضرت حسنك
اشهد انك فوق عرش الزين ذروه

ما قصدت بكل هاذا آتجمــل
واقول اني احق الناس حظوه

ادري اني عادي ما في ميزه
وادري اني كادح ما حاش ثروه

وادري اني في خريف العمر ماضي
ما بقى بيني وبين القبر خطوه

لكن اني صادق فيما اقوله
واطلب من الله عن الزلات عفوه

خالد الفيصل

[ريميه]

اهداء لك من يستحقها
مع تحياتي وتقديري للجميع؛؛؛

[الاميره المحرومه]

تسلم يمينك ياالغلا ..


اختيار موفق وذوووق..

[منااير]

جميلة جدا ,,,, بس ظلمها اللحن

[ريميه]

اشكركم على المرور الكريم

تستاهل الحب نجديه
رفيعة الشان عجابه
7
7
7
والجيد ياجيد ريميه
تزفل من الزول لعابه

[فيصل الفارسي]

اهداء جميل والمهدي أجمل
وانا بعد عندي إهداء لريمية

في (منتدى اعمال) نشميَّـه ....... إلهــا مواضيـــــع جذابــــــه
تســتاهــل ألفـين بالميــَّـــه ....... وفيصـل مبـيـِّـن لها اعجابه
أكيـــــد يانــاس ريميــَّـــــه ....... الـراي رايي وانـا ادرى بــه

[فيصل الفارسي]

للرفع