نبدأ مِن جديد .. ونتعلم إستراتيجية دخولك البورصة

[~*الفراشـــــة*~]

بسم الله الرحمن الرحيم




ارجوا اني اكون اشرح هالموضوع اللي قد يكون عند البعض مهم جدا وكما اسلفت اللي لهم اسهم متعلقين بها والجدد بعالم الاسهم واتمنى من اخواني المشرفين ومن لهم الخبره تصحيح الاخطاء اذا وردت مني وبسم الله ابداء الشرح .....



اولا



فلنفرض يا اخوان بانك شريت بشركه معينه من الشركات الف سهم وكل واحد يقيس كلامي على ما لديه من اسهم متعلق بها وكانت تكلفت الشراء 190 ريال ثمن نزل السوق بعد ذالك الى 162 حلو الكلام ..
انا نسقت جدول واتعبتني ربط عملياته كثير والله لاكن لكي ابسط الموضوع لكم بابسط طريقه وطريقة التعامل مع الجدول بناء على القيم اللي ذكرتها فوق كلاتي :



اولاَ : يوجد بالجدول خانة الشركه تضع اسم الشركه اذا احببت .



ثانيا : توجد خانة كمية الاسهم وكما اسلفت تضع الكميه اللي افترضنا انها 1000 سهم وكل واحد والكميه اللي عنده .


ثالثا : خانة سعر الشراء وهنا تضع السعر اللي شريت به السهم وتعلقت به طبعا واللي فرضيا قلنا 190 ريال .



الان نكون خلصنا من الجدول اليمين او الخانات اللي ضروري تعبيها يمين وننتقل للجدول اللي يسار وتعبي فيه الاتي :


رابعاَ : خانة كمية الاسهم المباعه وهاذي اقصد منها انك تجزء اسهمك الى اربع ارباع مثلا يعني 1000 سهم تقسمها 250 سهم × 4 عشان تبدا عملية التعديل .


خامساَ : سعر السوق وهاذي اقصد بها انك من اول شريت السهم بالـ 190 ونزل السوق الى الـ 162 كما اسلفنا تضع في هذه الخانه سعر السوق اللي راح تبيع الربع الاول من اسهمك فيه بخساره ونحط مثلا 162 .



سادساَ : الربح والخساره وهنا سيظهر لك بعد ما تدخل المعلومات السابقه بناء على المعادلات التي وضعتها بالجدول كم ستكون خسارتك يعني هالخانه للايضاح ولا تدخل بها اي تعديل .


سابعاَ : كمية الاسهم المتبقيه وهذه الخانه ايضا للايضاح والتذكير بما سيبقى لديك من اسهم لم تدخل مرحلة التعديل .


ثامناَ : فرضيه 1 ومن هنا يا اخوان بدا الشغل وركزوا اللي فوق كله تعبية خانات بما لديك من اصول ثابته بمحفظتك وبما ستحاول التعديل به من اسعار وصل لها السوق .
الفرضيه الاولى لو ان كمية الاسهم المراد التعديل بها اللي هي الـ 250 سهم بعتها بالـ 162 ثمن رجعت وشريتها نفسها بالـ162 نفسه وطبعا مع مراعات اوقات التذبذب في السهم المراد التعديل فيه عشان تلعبها صح الصح , ثمن رجعت وشريتها زي ما قلنا بنفس السعر الـ162 , نخلص من الجدول اليمين وننتقل الى الجدول اليسار بنفس الخانه حقت الفرضيه رقم 1 عند كمية الاسهم راح نقول نفسها 250 سهم وتبيعها على تذبذب واصل 164 ريال يعني بعت بالـ162 وشريت بنفس السعر وارتفع السهم الى الـ 164 راح يطلعلك اتوماتيكي بالربح والخساره كم ربحك بهالربع الاول من التعديل وعلى نفس المثال اللي انا ضاربه بيطلع ربحك 389 ريال وعليها كسور كمية الاسهم المتبقيه طبعا بما انك بعت ال ـ250 سهم بيكون الكمية صفر اللي يهمنا بعدها.


عدد العمليات المطلوبه : وهاذي لو انك سويت هالعمليه بنفس القيم المدخله راح يقولك بهالخانه كم مره مطلوب منك تكرر نفس هالبيعه والشروه عشان تحقق التعديل المطلوب 100% واللي هي بمثالنا 19 مره .



واذا انتقلنا للفرضيه رقم 2 : اللي هو الجدول بيبدا يعطيك هالفرضيات اصلا راح يقولك لو ان الـ 250 سهم بعت زي ما قلنا من اول بالـ162 هذا خلاص ثابته عندنا لانك بعت ... بيقول بالفرضيه الثانيه لو انك شريت بالـ 160 وطلع السوق الى الـ 164 بيكون ربحك بها العمليه 890 ريال ومطلوب من تكرر هذي العمليه 8 مرات عشان تحقق تعديل 100% وعلى هذا بيعطيك فرضيات وكل واحد يحط الاسعار وعدد الاسهم الفعليه اللي متعللق بها وانشاء الله ان يكون هالجدول يساعده على فك هالتعليقات الشينه ويحولها الى ارباح باذن واحد احد ..........



القيم التي سيعطيك الجدول لعدد تكرار العمليه في العمليات المطلوبه اجبر الكسور لاعداد صحيحه وضارب في سهمك بالكميه والقيمه والمرات المحدده وراح تلاقي انك عوضت خسارتك الى ربح والله يرزق الجميع ..


واخيرا يا اخواني لا تنسوني من الدعاء والموضوع قابل للنقاش واعذروني اذا ما عرفت اشرح فوالله اني احاول جاهدا ابسط الشرح لاكن يمكن السهر له تاثير كبير على بس حبيت اوفي بوعدي اني بحاول انزل حاجه تنفعنا واياكم بهالمنتدى الصرح الكبير وسامحوني اذا قصرت .


ملاحظه : هالجدول يهم اللي متعلق باسهم ويبي يعدل من الاسهم نفسها مو يدخل سيوله من برا على السهم .........