ايام تسديح الامــيره قدام القناة الأولى ((لايفوتك))

[الاميره المحرومه]

ايام تسديح الاميره قدام القناة الأولى ((لايفوتك))
ياهلاااااااا والله حيااااكم الله القهوه ياولد


وش اخباااركم ؟؟ ان شاء الله بخير


المهم اليوم باوريكم احدى صفحات مذكراتي احم هع هع

اكيييييييد وابصم بالعشره كل اللي يقرون الموضوع كانت لهم ذكريات مع افلام الكرتون وان كانت متشابهه >>لاعبين بعقولنا حسبي الله عليهم

ايام طفووولتي وبرائتي (الى الحين بريئه والله العظيم) مافيه الا ذا السعوديه لا سبيس تون ولا MBC3 ولا الجزيره للاطفال جو يوم كبرت شوي >>وخرووووووو عن طريقها الكبيره هع هع


كنت في تلك الايام اقوم مع العصافير اقصد الديك والحمام واطيييييير للتلفزيون قبل لا يفتح بعد
اقعد اناظر الألوان حفظتهم خخخخ

بعدين يبدأ السلام الوطني واوقف >>محترمه ياحليلي خخخخ
واذا خلص قلت طن ططن >>ما حفظت الا ذي

بعدين القرآن واقعد اسمعه بخشوع واذا خلص اقول صدق الله العظيم >>بعد ما حفظت الا ذي

وبعديييييين الكرتوووووووووووون افتح خشتي ولا اسكرها الا اذا جت اعلانات تجاريه

بس اعلاناتنا كانت خفيفه مو زي اعلانات الMBC والله انك تناظر جاده 7 الاعلانات اطول من المسلسل

المهم بما اني كل يوم اناظر هالافلام كرتونااات اخترت لكم بعضها على ذوووقي الخاص >>يمديكم عالذوق
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,
سالي


آه يا معذبة القلوب يا سالي..

ما قد شفتها الا وهي عاقده على حواجبها زي ذا وخصلة الشعر اللي فوق الأذن كنت دايم احطها وتضحك علي امي هههههه >>ذي ما يلاحظها الا الذوق خخخخ
بس ما يقهرني الا انهم يهاوشونها وساكته ويكرفووون ابو جد جدها وهي زي المكينه

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,

الكابتن ماجد


قدوتي في التشقلب والله محد كسر عظامي الا هو من كثر ما اقلده >>ولد حشا مو بنت خخخ
ماعليكم مني يحمس لازم اتابعه عشان اقول لاخوي اذا قام من النوم وما لحق عليه من اللي فاز
<<لا تتعذرين
مع انه داااايم يفوز حتى لو مابقى على نهاية المباراة الا دقيقه لازم يسجل 3 اقوال ويفوووز ماشاء الله >>مصدقه خخخ
,,,,,,,,,,,,,,,,,,,,,,,,,,,,,,,,,,,,,,,,,,

هايدي


عاد هذي اذا جت لازم كل البيييت يقوم يناظرها معي اقول لهم لا تفوووووووتكم هايدي جت
جدها ياحليله صار طيب في النهايه >>بدري!!
كلييير فتاة المدينه الراقيه تراها مشت ابشركم
ما يقهرني الا اذا فصخت الحياء وفصخت فستانها وقعدت تراكض ورا بيتر خخخخخ
ولا تنسون عنزها جتني الصيحه يوم رجعت تدورها تحسبها ماتت وطلعت كبرت وجايبه عنز ثانيه هههههه


,,,,,,,,,,,,,,,,,,,,,,,,,,,,,,,,,
بشااار

هذا كنت متحمسه معه وراحمته بس من شفت الحلقه اللي تمر وراه امه ولا يشوفها وانا قايله اعمى 100%
من الحماس اقعد اصرخ التفت يالغبي امك ورااااااااااااك >>داخله جو
بس ما رحمونا في النهايه بس مسك يد امه بعدين ماتت >>ما انسى دموعي يالبي قلبي اعرف المشاعر خخخ

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,
عدناااان وليييييينا

مغامره واثاره ورومانسيه وتشويق وش اقدر اقول بعد >>بالله ما اصلح مذيعه >>ايه مررره
تلاحظون انهم يطامرووون ويركضووون بسرررررررعه ما يمديك تناظرهم هنا الا وهم هناك
ولا يهوون عبسي ياحليييييييله صحيح ان اصبعه دايم في خشمه بس خفيف دم خخخخ
بيني وبينكم ما اتابع المسلسل الا عشااانه ولا باقي السالفه ما فهمتها >>الله من الدلاخه
اكييييييد ان امهاتكم يعرفونه مو بس حنا معذب قلوووب ناس كثير هالفلم هع هع.
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,


ليدي


هذي ما ذبحني الا اسمها هي ليدي ولا لين
بس وش رايكم بارثر والله ياحظها فيه يدوووخ ساكت عليها تطامر فوق الحصان واخزياااه >>ما كنت اعرف اركب حصان ذاك الوقت انقهر خخخخ
وسارا وصديقها بعد هذولي تحسهم ابرد من الثلج يجسدون الرومنسيه خخخ
المهم ترا عندي شريط الجزء الاخير اللي يبي يستلفه يعطيني 10 ريال


عاد لا نهضم حق توم وجيري وشلتهم وزورو ذا اللي اذا جاء قعد اخوي يطامر في البيت وعلى الكنبات الى الحين الظاهر خخخخ تصدقون مره قعد يكتب على الجدران z
ولا يهون بعد خوينا جريندايزر والله ان اسمه دااهيه بس ابوي معرفني عليه خخخخخ ولا تنسوون اودا ددا اودا ددا اودا اودا دادا (اغنية ماروكو) تذكرتوها خخخخخخخ
موب الحين هذا نزل البوم جديد وذيك سوت فيديو كليب جديد استغفر الله نرجع لموضوعنا بس
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,

الله يالدنيا كبرناا تصدقون ما عاد نشوف الا مسلسلات وافلام بس انا من طبعي الوفاء لازم اشوف افلام كرتون الى الحين
والله ايام حلوووه اشتقت اشوف واحد من الاشرطه

لضيق الوقت عطيناكم التفصيل للبعض وبعضها بس عناويين نعتذر للاطاله واسفه غثيتكم بخرابيطي استرو ما واجهتو

فمااان الله..
الاميره

[منااير]

ههههههههههههههههههههههههههههههههههههههههههه يالله صباح خير

انا يوم شفت عنوان الموضوع قلت والله هالخطيره بتتكلم في السياسة وبتجيب العيد

بس اشوى طلعت السالفه سلك فصل بالمخ وبيرجع من نفسة انشاءلله

[بيادر الحب]

ههههههههههههههههههههههههههههه


الله يرجك على هالتسدح .. كني اشوفك ممدة رجولك فوق طاولة التلفزيون..


كانت اياااااااااام ...

[اخت رجال]

أموووووووووووووووووووره

رجعتينا للزمن النضيف والقلوب البريئة

والأحلى هايدي وااااااااااااااااو عأيامها


تقديري

[أمتـــــــــنـــــان]

هههههههههههههههههههههههههههههههههههههه

تسلمين يالغالية

[shart]

احس فيك منك الطفوله للحين وودك ترجعين لها ههههههههههه

<< انت وش جايبك هنا ؟؟

[وهـــج]

ههههههههههههههههههههههههههههههههههههه

روووووووووووووووعه

بس نسيتي اهم واحد

بيبيرو وحصانه الابيض

[shart]

اقتباس المشاركة الأصلية كتبت بواسطة وهـــج ههههههههههههههههههههههههههههههههههههه روووووووووووووووعه بس نسيتي اهم واحد بيبيرو وحصانه الابيض

الذهبي مو الابيض

[وهـــج]

اقتباس المشاركة الأصلية كتبت بواسطة shart الذهبي مو الابيض

اخبره ابيض

يمكن غيروا لونه في النسخه الجديده

او يمكن كان التلفزيون حقنا ابيض واسود ما نشوف الالوان

ههههههههههههههههههههههههه

[حلم]

الله عليك يا اميره والله انتي ميه ميه


شارت ووهج لا تتضاربو


الحصان كان ابيض و النسر كان دهبي


هههههههههههههههه