خسرتيني
انا ماشفت نفسي يوم لاني منخلق من طين
ولو اسمي وصل عالي بظل اللي عرفتيني
ولكن للاسف هانت ليالينا بغمضة عين
وعلى الفرقا من اسبابك نعم انتي جبرتيني
توصيتي بطعناتي وبعد ماتنزف السكين
وقبل لا الفظ انفاسي على نفسي توصيني
دخيلك قلبي الوافي لا تخلينه ولا تطرين
وراس اللي تحبينه تصدي عن مدى عيني
وصلتي حق نهاياتي وشاللي بس بقا تنهين
على ماظن ماباقي ولا حاجة تحس فيني
مدام انك تحبيني وبنفس الوقت ماتوفين
ومدام انك توفيتي له وبنفس الوقت خنتيني
وشاللي بس تحسينه اذا انتي كنتي تحسين
تحبيني وتحبينه وتحبينه وتحبيني
حضنتي قلبي ونمتي وعلى صوتي انا تصحين
وإلا منك تمللتي تحضنينه وتمسيني
محال تصير في الدنيا بشر في داخله قلبين
تبينه بقلب وفي قلبك بعد قلب يناديني
انا مابيك لو انك على الفرقا دهر تبكين
صعب ارضى بنزواتك ولوحتى بغيتني
ثلاث اسنين او اربع وكاد انها كثير سنين
بعد هذا العمر كله على ايامي صدمتيني
بعد لا تنطقي بكلمه رجيتك اسكتي تكفين
اخاف انك ان تكلمتي خطأ باسمه تسميني
واذا مره ذكرتيني مع الايام تبين تنسين
ويبقى لك مثل ذكرى جميله لا ذكرتيني
كثير اللي تمنونك واكيد انك تبين تلقين
وانسى يوم ماانتي تمنيتي ولقيتيني
انا وش جابني لدربك انا وين وغرامك وين
انا اكبر من عيوبك وعيب انك عرفتيني
وانسى انك ذبحتيني وامانه ادفني السكين
وعلى قبري بدال اسمي ابي كلمة خسرتيني
مما راق لي