لماذا الشركة الفلانيه عرضت اسهمها للبيع ؟؟؟؟
عندما يتم انشاء شركة معينه على اساس كونها مساهم ياتي رجال الاعمال المعنيين للمشروع ويفترضون راس مال بمبلغ 200 ريال مثلاً
رجال الاعمال يملكون مبلغ 100 ريال فقط .. وش يسوون؟؟؟
يقسمون ال200 ريال بشكل اسهم كل سهم قيمته ريال واحد مثلا ياخذون رجال الاعمال نصها ويدفعون 100 ريال ويبيعون الاسهم اللي تبقى للعامه بحيث يملك العامه نصف الشركه والنصف الاخر لرجال الاعمال والرجل الذي يملك الاغلبيه من الاسهم بالنسبه للمساهمين يحق له بادارة الشركة وهكذا.
تنزل اسهم الشركة بقيمة اسميه ريال واحد ويشتري الناس ويرتفع سعرها وينخفض بحسب الارباح او الخسائر ولا يفيد ذلك الشركه كون السهم ارتفع او انخفض ....
اقل مبلغ للدخول في سوق الاسهم 10.000 ولا يسمح باقل من ذلك .
------------------------------------------------------------
لنفترض عندك 1000 وامامك شركتين احدهما ب50 ريال السهم والاخرى ب ريال واحد السهم فأي منهما تشتري؟؟؟
اذا اشتريت في الشركه الاولى راح تعطيك 20 سهم بينما الثانيه راح تعطيك 1000 سهم
بعد دقيقه ارتفعوا الثنتين ربع ريال
الشركة الاولى راح تعطيك ربح 5 ريالات
بينما الشركة الثانيه راح تعطيك 250 ريال
فكلما كان سعر السهم قليل كلما كثرت الكميه اللي راح تكون قادر على شرائها وكلما زادت كمية الاسهم المملوكه كلما كان النص والربع مهم لك كربح.
فاذا اشتريت 3000 سهم من شركه وارتفعت ربع ريال ... نكوت كسبت 750 ريال
ففيه ناس تملك مئات الالوف ولكن لا تستطيع ان تشتري الا بضع مئات في بنك الراجحي مثلا بينما تقدر تسوي فرق كبير جداً لو اشترت في المواشي.
وفيه حركة تصير دائما في سوق الاسهم .......
وهذا لايعني ان نشتري في شركات خاسره بل نختار اسهمنا بعنايه
مهم جدااااااااااااااا
محد سأل نفسه وشلون تبدء المضاربه على السهم ؟؟؟؟؟؟؟؟؟؟؟؟؟؟؟؟؟؟؟؟
احيانا بالصدفه ولكن احيانا ثانيه تكون مدبره ........
مثلا .... مضارب مليونير او مجموعه من المضاربين بالاتفاق فيما بينهم يدخلون السوق ويشترون كل الكمية المعروضه مثلاً
شركة معينه كمثال:-
افضل سعر طلب = 20 وافضل كمية 2000
افضل سعر عرض 20.25 بكمية 5000
يشتري المضاربون كل كمية العرض فينتقل للربع اللي بعده فيصير الوضع كالتالي
افضل سعر طلب = 20.25 بكمية 50
افضل سعر عرض 20.5 بكمية 10.000
ويشترون المضاربين كل كمية العرض فينتقل السعر للربع اللي بعده
وهكذا يستمر المضاربون فيرفعون السهم ريالين او 3 ريالات ويتنبه المضاربون للي يحصل ويبدئون الناس في الشراء.
عندها يتوقف المضاربون ( سبب المشكله ) عن الشراء ويصيروا الناس يشترون فيرفعون السعر الى 10%.
عندها يبدء المضاربون (سبب المشكله) في بيع اسهمهم وغالبا ما تكون كثيره جداً فيبيعون بسعر الطلب حتي ينزل السهم ربع ريال وبعدها يبيعون للربع اللي تحته وهم طبعا كسبانين بكذا
ولما يشوفون الناس ان سعر السهم بدء ينزل يبدئون هم بعد في البيع ويستمر البيع حتى يرجع سعر السهم لمستواه الاصلي.
وهذا اللي يصير في ما سميته انا سابقا بفقاعة الصابون .
ونصيحه :::: لا تشتري ابداً عند اقفال سهم شركه عند 10% بمعنى
مثلا شركة وصلت لحاجز ال10% سعر سهمها 200 ريال راح يظهر الآتي
افضل طلب 200 بكمية مثلا 100.000
افضل عرض 0 بكمية 00
اذا انت تابعت سعر السهم راح تلاحظ انه احيانا كمية الطلب تزيد واحيانا تنقص وهذا دليل انه فيه ناس تعرض بسعر الطلب وتبيع فتنقص الكمية ويأتي اخرون يطلبون وهكذا ...... فنصيحتي انك ابداً ما تطلب في هالوضع لان السوق لما يفتح المره اللي بعدها قد يتعرض فيه سعر السهم لهبوط مفاجيء مع الافتتاح لاي سبب ممكن وهذي تصير دائما .....
ونصيحه ......... لا تشتري ابداً بسعر الافتتاح لان سعر السهم قد يكون مرتفع عند اغلاق اخر مره ويفتتح السوق لينزل سعر السهم ويخسرك ....
والافضل التعامل بالانترنت لان الانترنت اسرع بكثير من ناحية الطلب وتنفيذ الاوامر ......... واذا زرت الصاله راح تشوف ورقه طويله عريضه لازم تملئها وتقدمها للموظف المختص اللي عن طريقه يسوي لك الامر وهذي الطريقه راح تاخذ منك وقت ممكن خلاله تكسب ريال او اثنين لو انك مسويه خلال الانترنت.
هناك اشخاص يربحون 3 او 4 مرات في اليوم الواحد لكن هالوضع نادر حسب حالة السوق وحسب نشاط الاسهم التي تشتري فيها.
لكن هناك الكثير من يتمم عمليتين في اليوم الواحد وهذا سهل بأذن الله.
واذا كانت هناك مضاربه على سهم معين فأنت تشتري وعندما تشعر بانتهاء المضاربه تبيع وقد تجد اسهم شركة اخرى عليها مضاربه فتشتري وتبيع وهكذا .........
واذا وصل سعر السهم اللي انت اشتريت فيه نسبة ال10% فانت موفق في الشراء وتتاكد حينها ان هناك تكملة لارتفاع سعر السهم باليوم الذي يليه ....
==================
بالنسبة للمؤشر انا شخصياً لا اعلق عليه اهمية كبيرة الا اذا كنت شاري بمجموعه كبيرة من الاسهم..وفي عدة شركات.
فارتفاع المؤشر يدل على انتعاش السوق وان الاسعار في ارتفاع والعكس صحيح
اما كون المؤشر ارتفع فوق( ال500 او ال600 نقطه) واكيد تكون سمعت عن هالجمله بشكل كبير .. ذلك لانه الارتفاع أكثر للنقاط يعطي امان في التداول بحيث انه يدل على قوة السوق بقدرته على تجاوز هذه النقطه ولانها نقطة تحول لاسعار اعلى في المستقبل
يتبع