[Saudi]

اقتباس المشاركة الأصلية كتبت بواسطة saratoga لازال بالوقت متسع والله من الفضاوه سؤال صغير وخفيف غررررد ياحظي ليش ماء البحر مالح؟؟؟؟ انا اقولك .. ذيك السنه سنة الغرقه .. اطلعوا شباب يتمشون وقمز واحد منهم وقال وش رايكم نقنص سمك قالوا الفدّغ اللي معه : براسك مشينا راحوا واخذولهم قارب واخذوا عزبتهم وهي : ذبيحة تونه وخبز توست ومايونيز اتعرف ماحولهم بالبحر بقالات فشروا ذبيحتهم التونه لا ينقطعون وماخذين حطب <<على بالهم طالعين بر هم 4 واحد: الراس حقهم القوي اقوى واحد بالحاره Saudi والثاني :راعي سوالف وهلس ونصب ومقالب وهو مصدر مسطول والثالث:ساراتوقا ... مايتكلم ولا له نفس الا كلمه (وبس) والرابع: shart راعي شبت نار واقهوة وهو اللي جايب معه الحطب بيضبط المعاميل بالبحر << المعاميل يعني معمول بالتمر مالك بالطويله اركبوا القارب وسكروا البيبان وحرّكوا بعد ماتعدوا اليابسه وصاروا بالبحر قمز المطنوخ سعودي وثبت سرعة القارب على 220 كلم والتفت للشلّه اللي معه وعوااا قصدي صرخ عليهم : من اللي ركّب هذا معنا << يقصد shart صاروا يرقلون وروسهم اتصافق ويقمز ساراتوجا ويقول : انا وبس سكت سعودي وصار يتأفأف ويقول بنفسه : اخ بس لو مو اخوك ابوعبدالله كان اعلوووم رد shart: يارجل انت وش نوحك يابعد حيي حاطن دوبك بدوبي .. كل ابو دايم تسحتوني رد مصدر مسطول : ماعليك منه انت جاي معي وانت صديقي وانا صديق متكهرب وصديق متعب رد ساراتوجا: حنا طالعين نقنص مو انتاقر وبس خيّم الهدوء عليهم وطلّع سعودي وعصابته اسلحت المقناص المكونه من امسدسات والرشاشات والطرطعان .. واخذوا بالرمي بوسط البحر لكي يسطادون اسماك القرش الا ان اسلحتهم كانت اخرررطي وماعندك احد والتفت shart على الشباب برقبته كنّه ضبعه وقال: وش رايكم نشب نارنا قبل لايمسي الليل ونصلّح اقهوتنا وانتعلّل انت يابوريان ناولني كومة الحطب وشب النار وبالفعل شبوا النار بالقارب وركب الدله ابودلال وما امداها اتخلص الا وهم مشتبن معها وشبوا بالقارب معهم وغرق القارب واصبحوا يتخبطون بالامواج وكلّن يسب الثاني الا ساراتوجا من الخوف جيّم وماقال الا كلمه وحده وهي :وبس وبس وبس وبس وبس وبس وبس ومالبثوا الا وذاك القرش جاي ناصيهم وياصل لمصدر مسطول ويطلّع مصر من جيبه فرجار <<كان الولد راعي هوشات ومايمشي الا والفرجار بجيبه وهو يطعنه مع عينه ويمسكه من ذيله ويدور فيه بالهواء يفرّه وينطله بعيد وشارت ماسك الدلّه ويتقهوى منها اما سعودي وساراتوجا فكد اغرقوا ويغط مصدر باعماق البحر ويشوتهم الا وهم طايرين فوق سطح البحر ويمسك كل واحد برجله ويصعدون فوق خشبه من بقايا القارب المحترق ويقمز بالهواء وينزل برجوله على بطن سعودي وساراتوجا <<يعني بيطلع المويه لين صحوا وباقي شارت بدلّته يتقهوى مالبثوا الا ويجيهم يخت ويناظرون ويطلع اللي باليخت القاتل المأجور وحاط علم القراصنه واحد اعيونه مغطاه برقعه سوداء وله رجل خشبيه ويده حديديه وعلى كتفه AZiZ .. ومعهم بالقارب مجموعه من المجرمين منهم ابوسارة ومتكهرب وبيبرس والكاش والحوت النائم << لاتقولون لي كيف جت بيبرس والكاش مع بعض .. هذي هي الحبكه بالقصّه . شارت من شافهم وهو يحذف القهوة ويربط اعصابته والقراصنه بقيادة القاتل المأجور يرسلون القذائف على سعودي وربعه ويغطس القوي مصدر للجهة الثانيه من اليخت ويلقى حبل على طرف اليخت ويتسلّق ويركب اليخت ويحذف لصديقينه الحبل ويرقون معه لسطح اليخت وتبدء المعركه من حذف بالقواطي ومبارزات بالسيوف ويهجم متكهرب على مصدر مسطول وقوله انت صديقي الصدقي اهجد وخل عنك ولا بفقّع وجهك هو قال بفقّع وجهك الا ومصدر يطرطع ويمسك متكهرب مع كراعينه ويطرحه ارضاً ويجي شارت طااير ويعد واااحد اثنييين ثلاااا ومتكهرب يحط رجله على سور اليخت الحديدي ويرجع مصدر ويوقف متكهرب ويحذفه على سور اليخت ويضرب بالسور ويرجع ويعطيه مصدر خطاافيه ليقع متكهرب على عصعصه ويرجع مصدر ويركب على السور ويقفز الا ومتكهرب يتدرباا ويجي مصدر على وجهه وباجهة الثانيه ابوسارة وعزيز مستفردين بسعودي ابوسارة يبقّس سعودي .. وعزيز يعفّش و يسأله ليه مسمي نفسك سعودي ضااقت وليه يوم انك تبلشني كل يومين ترسلي ناس اضبط حجوزاتهم واطلعهم هذاك يبقّس والثاني طايح بالاسأله ويسحب شوشه سعودي وبمقدمه اليخت شارت والقاتل المأجور جالسين يحللون السوق وانواع الشارتات ونقاط الدعم والمقاومه وبآخر اليخت بيبرس والكاش يتهاوشون على المواضيع شارت يقول ناقشني بتحليل فني والكاش يقول انت تقول نزول والسوق ارتفع وتقول ارتفاع والسوق نازل ايه نسينا الحوت النائم الحوت الغالي راقي فوق للعلم ويلتفت عليهم ويقول هالحين عرفوا من الحوت النائم بينما المعركه داميه الا وصوت سفتي الشرطه من بعيد الى ان اقترب اليخت وبه شرطيات منتدى الاعمال بيادر الحب -الاميرة المحرومه - العنود- ريميه -الكهلة وكل وحده تقول للثانيه انتي ارميهم لا لا انتي اللي ارمي وتدفهم العنود القويه وتقول الشرهه علي انا يوم اوظفكم معي وتزعل بيادر وترد عليها ليه تدفين اللي موظفتها ريميه مو انتي ولا عاد تنفخين لا انادي عليك الاميره تصكك بباند بالمنتدى وتتدخل الكهلة وش فيكم يابنات تعوذوا من الرجال ترى الرجال ماماتوا ترد الاميرة اقول خلونا نرجع بس هذولي عصابات وماحنا قدهم ترد بيادر لا لا بنتفرج عليهم لين يتذابحون ويخلصون وبعدها نقبض عليهم بنلقاهم متصرعين ريميه: شوفوا شوفوا تحاذفون باكياس لونها ابيض !!! < عصابه القاتل المأجور كانت تهرّب اكياس ملح وكان اليخت مليان اطنان من الملح واصبحت العصابتين يفتحون اكياس الملح ويدعكون اعيون بعض ويتحاذفون وماقدرت العنود تصبر وتطلق القذائف على اليخت وصار اليخت يغرق ومابقى الا الحوت النائم متعلق فوق لين غرق معهم وغرق ملحهم معهم بس بقى مصدر مسطول يسبح ليخت بيادر واللي معها ويحذف عليهم قنبله عنقوديه وتفجرهم ويغرقون كلهم وماتوا كلهم بربطة المعلم واكياس الملح ذابت بالبحر وصار البحر مالح

وبس