|
ياعضوات تعالوا ننقاش اسباب خسارتنا
اخواتي بالرغم التوصيات الاعضاء الثقه في منتدانا(سعودي,روكس,fbi,وكيمو ومن الصحراء ...)
الله يعطيهم العافيه ويكتب اجرهم فيه مشكله عندنا عجزت افهمها ليه وضعنا رغم توصياتهم ووقفتكم معنا مازلنا نخسر انا عن نفسي راح اقول وش سبب خسارتي اولا : نمل بسرعه او استعجال وعالم الاسهم لازم الصبر ثانيا : تقسيم المحفظه بشكل خاطئ ثالثا : لا نوفر سيوله رابعا : عند الشراء نشتري دفعه وحده بمبلغنا كله ولا نشتري على دفعات ومازلنا نتعلم اليوم عرفت اسباب خساراتي وباذن الله اتداركها حتى اوقف خساراتي ياليت الى عندها استرتيجيه في تقسيم المحفظه بطريقه حلوه تقول لنا او اي مساعده تساعد في حل الاسباب الى طرحتها بطريقه الخبرة و التجربه حتى نفيد المسجدات |
من اروع ماقرأت موضوعكي يافجر الأمل
بالفعل كل ماقلتيه صحيح و100% ولو راجعنا لتوصيات اخينا روكس واشترينا بسعر توصياته وبعنا بالسعر الذي حدده لنا للبيع لحققنا لا يقل عن 50% ربح وراجعوا توصياته بالسناره ومواضيعه بالمنتدى وستجدون اننا بالفعل لو تقيدنا بكل نصيحه وتوجيه لحققنا الارباح وتجنّبنا الخسائر ... وهذا الرابط يشرح ويفصل لنا اخطائنا (صح الموضوع جاف وصريح وفيه بعض الانتقادات ولكن الهدف منه مصلحتنا وطلب الخير لنا فوق كل المجاملات التي لاتنفع بسوق لايرحم ) : http://saedat.com/vb/showthread.php?t=627 |
يعطيك العافيه اخ سعودي على مرورك
وكنت بسألك هل لاني اتابع الاسعار في من السوق كانت سبب من اسباب الخساره لاني لا ارى السعر ارتفع بلحظته حتى اتوقف عن البيع وفي لحظه من اللحظات اسوف السعر طااااااااار |
اقتباس:
والاخت الفراشه بتعلمكم كيف تشغيله والتعامل مع البرنامج اسعاره لحظيه اول بأول ولافيه تأخير |
السلام عليكم
مشكلة الكثير التنقل بين الاسهم عدم وضع حد للخساره الاتكال على الاخرين علاج السبب الاول لازم نخلى السهم كم يوم وبعدها نتركه وما ندخله الا متأكدين من محفزاته نضع حد للخساره يعنى مش نام عن اسهمنا لازم نتابعها متابعه لصيقه لابد من تعلم ودراسة التحليل الفنى ونفكر بعقولنا بدل التفكير من يعطينا سهم نضارب فيه اليوم والله ماكتبت هذا الكلام الا بسبب الخساير اللى صارت لى والحمدلله رجعت اللى خسرته بمجهودى يعنى اسأل عن سهم واجلس اتابعه حتى لوشهر واخلى على جنب وخلاص اكون عارفته كأنه واحد من عيالى ههههه السهم الجديد اذا دخلته لازم اخسر فيه كل عشان اتعلم واستفيد واخيراً لاتدخلون الاسهم باموال غيركم او بمال محتاجينه ادخلو الاسهم بالمال اللى فائض عشان لاقدرالله لو صار فى انهيار فى الاسهم تتحملون الخساره |
حياك الله ياغاليــــــــــــه وموضوعك جميل جداً... بالنسبة لي أسباب خسارتي .... 1- الخسارة والربح هي بتوفيق من الله سبحانه وتعالى والله سبحانه إذا كتب للإنسان رزق راح يأخذه 2- تعليقات الإنهيار القديم جعلت لدي ردة فعل عنيفه وخوف غير طبيعي ينشأ بمجرد شرائي لأي سهم ووقتها فقط لا أعترف لا بتوصيات ولا تحليل ولا أشعر بالراحه إلا إذا بعت وغالبا تكون بخسارة أي لا أصبر أخاااف 3- عدم تحديد مبدأ سواء مضاربه أو استثمار المضاربه معناها تشترين ماركت وتبعين بارتفاع ريال ريالين اما الإستثمار تتابعين السهم وتصيدينه بسعر قليل انا اشتري السهم وإذا ارتفعت وكثر الكلام عليه أغير النية لإستثمار واحوس واحاس 4- عدم ترك مبلغ للإحتايط وهذي أكبر أخطائي 5- الدخول للسهم بكل المال بدون تقسيم على دفعات ( بصراحه اكون عجزانه وطفشانه واقول بدال ما أتعب وكل شوي شراء مره وحده ) وهذا جاء فوق راسي إذا تذكرت شيء رجعت لك يالغلا |
بارك الله فيك يافجر الامل موضوع بالفعل مفيد ورائع |
يعطيكم العافيه بزنس وفراشتنا ووهوجه
وبجد اعجبني طرح الفراشه لهذه النقطه 3- عدم تحديد مبدأ سواء مضاربه أو استثمار المضاربه معناها تشترين ماركت وتبعين بارتفاع ريال ريالين اما الإستثمار تتابعين السهم وتصيدينه بسعر قليل انا اشتري السهم وإذا ارتفعت وكثر الكلام عليه أغير النية لإستثمار واحوس واحاس معلومه جديده في الفرق بين شراء المضاربه والاستثمار مشكووووووووره وانشاء الله نتعامل بها |
طيب ياعضوات نبي نتعلم تقسيم المحفظه بشكل سليم
باعطي مثال وبحاول اقسم محفظتي وهي 30 الف ولكن لا اعلم هل التقسيم صحيح اول لا الرجاء التوجيه 10 مضاربه 15 استثمار 5 سيوله اتوقع تقسيم خاطئ بكل المقاييس لان المبلغ صغير والمفترض استثماره فقط لكن كم السيوله؟؟؟؟؟؟؟ احترت |
اقتباس:
بس الافضل استثمار مضاربه (كيف ؟؟ بمعني تستثمرين بسهم او سهمين لمدة اسبوعين او ثلاث وبعدها تبيعين ) ومو اي سهم تستثمرين فيه ، لازم يكون عنده محفز او عندك خبر قوي بينزل او سهم عليه تجميع وبيرتفع بس يبي صبر ، تدخلين فيه مثال : عسير يوم كانت ب140 (تنفع استثمار مضاربه ، 3 اسابيع الى 4 بيحقق 20 % ثم تبيعينه ) بيشه : يوم وصى عليها روكس من سعر 120 وقال خلال اسبوعين الى 3 اسابيع الى 188 وبالفعل ارتفعت 50% خلال اسبوعين ) وهكذا ، وافضل من المطامر من سهم لسهم وحرق اعصاب ،،، وبعد مايرتفع رأس المال ويتجاوز 50 الف ذاك الوقت يستطيع الواحد يقسم محفظته ثلاث اثلاث الثلث الأول : استثمار (سواء استثمار مضاربه او استثمار لمده 3 اشهر قصير المدى ) الثلث الثاني : للمضاربه اليوميه الثلث الثالث : يكون توفير سيولة لأي جني ارباح او نزول بالسوق ، يفيدك بالتعديل بسهمك وتقليص التكلفه ، او الشراء عند النزول بالاسهم السريعه الارتداد وبيعها على طول مع ارتداد السوق ، ثم ارجاع المبلغ لمكانه وعدم المضاربه به ويبقى سيولة للطوارئ فقط ... وكمثال : اعطاني احد الاصدقاء محفظته وفيها 16 الف فقط (( ماتنفع مضاربه ) دخلت فيها المتطورة بسعر 160 وبعتها بسعر 195 (حقق ربح 20%) ثم دخلت بمحفظته مع الربح ببيشه بسعر 180 والآن هي ب222 (حقق الى الآن 20% وماببيع الا بعد ماتاصل حول 270 بمعنى بيحقق بمشيئه الله 50% ) يعني الرجال حقق ماشاء الله 70% خلال شهر وزاد راس ماله من 16 الف الى 24 الف ... وبرجع امشي على نفس الاستراتيجيه لين ياصل راس ماله 50 الف وبعدها بعطيه محفظته كامله مع ارباحه ويدبّــر نفسه ويتعلّم بنفسه ( واتصدقون ان الشخص بمحفظته الخاصه مايقدر يحقق 30 % خلال شهر بس بتوصياته لغيره يحقق لهم اكثر من 50% خلال شهر ،،، حتى كنا نتناقش انا وابو عبدالله وقلت له توصياتك بالمنتدى حققت فوق 100% خلال شهر فهل حققتها انت بمحفظتك الخاصة ؟؟!!! قالي لا .... سبحان الله خيرك يابوعبدالله لغيرك . |
| الساعة الآن 05:08 PM |
Powered by vBulletin® Copyright ©2000 - 2024, Jelsoft Enterprises Ltd
Protected by
Mt.AtSh