|
اول مشاركة ... ويمكن بعدها النحشه
السلام عليكم ورحمة الله وبركاته دايم اقرأ في هذي الاستراحة ولا اخفيكم يعلم الله بانني اضحك كثير لما اقرأ ما فيها من مشاركات من خفة دم الموجودين هنا ومشاركاتهم ولا املك الا ان اقول اللهم اجعل ايامهم كلها ضحك وافراح ... وحبيت اشارك في معاكم في هذي الاستراحة .. وبما بان المنتدى لسيدات الاعمال احببت ان اشارك بهذي القصيدة التي اعجبتني واتمنى بان تحوز على اعجابكم دقــق كثــيــر بنــظــرتــك بعــض الأزوال ولا تنــذهــل لا شفــت بعــض المــثــايــل بعــض النســا بالفكــــر تشبــه الاطــفــال تفكــيــرهــا محــــدود قــاصــر وطــايــــل وبعض النسا في فكــرهــا المجــد يختــال مــثــل الأصيــل اللــي تقـــود الأصــايــــل وبعض منهن بالطيب يضرب بهــا أمثــال وبعــض النـســا تسعــى لهــدم العــوايــل بعض النســا تسعــى لتكــديــس الامـوال مــاهــمــهــا ياكــود جمــع الحـصــايـــــل وبعــض النســا تتبــع هواهــا بــالأفعــال مــا تــداري المنقــود مــن قــــول قــايــل وبعــض النـســا بلـســانـهــا ســم فـعــال تـظــهــر غــلا والقــلــب للــشــر شــايــل وبعض الناس تتبـع هــل القيــال والقــال مــا حــســبــت للــرب يــــوم الهــوايــــل وبعض النسا منطوقــهــا عــذب الأقــوال وبطــيــبــهــا تـشــبــه ورود الخمــايــــل الفرق في طبع الــنـســا طــولــة الــبــال الــلــي تشــيــل بقــلبــهــا مــا تســايــــل وبعض النسا كشخه وموضـة وسلــسـال متغـطــرســة مــا تــدري العــمــر زايــل ملبوسها مــن صيحــة العــطــر أشــكـال تركض ورا الموضــة بــكــل الــوســايـل تبي تفــاخــر والفــخــر الطــيـب الأفعـال ما كل من يسعى عــلــى الطــيــب نــايـل وبعض النسا في عقلها عن ألــف رجــال ويـثــبـت عــلــى مــا أقــول عـــدة دلايــل بالدين والأخلاق ابن آدم تفاوت بالأطوال وكــلا عـطــــاه الله لبــعــــض المــثــايــل لا شــك بــه فــرق بيــن انثــى ورجــــال الــديــن أنــصــف كـــل الــفــصــــايــــل دمتم بالف خير |
وبعض النسا في فكــرهــا المجــد يختــال
مــثــل الأصيــل اللــي تقـــود الأصــايــــل وبعض النسا منطوقــهــا عــذب الأقــوال وبطــيــبــهــا تـشــبــه ورود الخمــايــــل * * رووووووعه يا كحيلان صح لســــــــــانك ولا نبغى بعدها النحشه ,,, نبغاها إقامـــــة دائمة .. نــــــــورتــــــــ الأستراحه ... |
نورت الاستراحة ياكحيلان بمشاركاتك :clap: بس لا تعيدها مره ثانيه وتحش في البنات :bash: الحمد لله ياربي اخيرا فيه رجال عاقل بالاستراحه بيشارك معنا :biggrin: |
هلاااااااااا بالامير
نورت الاستراحه ونبيك تتواجد معنا فيييييييييه فللللللللللله هنا |
/
/ من بعد هالقصيدة الجميله بالعكس نتمنى إقامة دائمة هنـــــــــــــــا لكحيلان قصيدة رائعـــــــه وبالرغم من المرأه فيها الكثير والكثير من الأشياء الرائعه لكن قلما نجد من يمتدحها ويفتخر بذلك أيضاً من الشعراء الحديثين رائعه بوركــــــ فيكـــــ / / |
يعطيك العافية أخي كحيلان قصيدة رائعة وإن سمحت لي : مشكور ياكحيلان يازين الافعــــــــــال ابيات شعر ولا بها شي مايــــــــــــــل اوجزت في وصفك سليلات الابطـــال والزين كله في بنات الحمايــــــــــــــل وان كان تسمح لي ترى خافقي مــــال ولا مالت اخت رجال شوف الهوايـــل بعض الرجال اشباه في بعض الاحوال له من نصيبه ثوب وعقال مايــــــــــل يمشي كما الطاووس بالحيل يختــــال ودرب الردى دربه وكسبه رذايـــــل وبعض الرجال تقول به الف رجــال مشهود له بالفعل بين القبايـــــــــــــل ماهمته دنيا ولاهمه أمـــــــــــــــوال يظل في ظله بوقت القوايـــــــــــــل هذا بعض والبعض تافه ومرســــال مرسال لشيوخ النفاق النوايـــــــــل واشوف جيل اليوم طالع به هبــــال في ملبسه كنه بنـــات لعوايـــــــــل جنز ومخصر لا ومتقلد حبــــــــال يهز في وسطه ويعمل عمايـــــــــل حنا خلقنا عوج من ضلع رجــــــال ولا هي غريبه يوم قالوا حبائــــــل حنا بزمن لو فيه مصفى وغربـــال ماشفت صافي لك ياغير القلايـــل وأعتذر عن أي تقصير |
أخت رجال هذا من تأليفك
:eek: ماشاء الله تبارك الله |
اقتباس:
والقصيده قبل شوي اللي كتبتها بعد ما قريت القصيدة ورديت مباشره هنا يعني اذا فيها خلل سامحوني ’’ |
اخت رجاااااااااااال
حركتااااااااااااااااااااااااااااات روووووعه مااااشاء الله تبارك الله :clap: :clap: :clap: :clap: :clap: :clap: |
صح لسانك اخي كحيلان..
وحياك الله في الاستراحه.. وصح لسانك اخت رجــال.. اللهم بارك فيكم ما شاء الله مواهب شعريه رائعه.. |
| الساعة الآن 07:35 PM |
Powered by vBulletin® Copyright ©2000 - 2024, Jelsoft Enterprises Ltd
Protected by
Mt.AtSh