شجرة الاصناف كيفية انشاء دليل اصناف ب برنامج حسابات المخازن
 

شجرة الاصناف كيفية انشاء دليل اصناف ب برنامج حسابات المخازن



دليل الاصناف او شجرة الاصناف ودى المرحله التانيه من مراحل تكوين نظام مخزنى متكامل بعد انشاء المخازن الرئيسيه والفرعيه وتكوديها.



لو كنت شغال على برنامج محاسبة ادارة المخازن فانت محتاج تعمل دليل الاصناف واللى من خلاله بتعرف الاصناف على ال System وبتكودها بطريقه معينه وفقا لمرونة برنامج حسابات الذى تعمل عليه ، ودا لانك مش هاتقدر تعمل اى Transactions على السيستم سواء بيع او شراء اوحركات مخزنيه اخرى لو ماكنش ال Item ده موجود فعليا ومتعرف على السيستم بتاعك بكود او باكواد معينه دا غير حسابات جرد المخازن اللى كود الصنف بيكون ليه دور مهم جدا فيها لتسهيل عملية الجرد.

افضل برنامج حسابات ومخازن

برنامج مخازن



لو كنت شغال دفترى او على الاكسيل فانت بحاجه الى انشاء دليل الاصناف الشجرى عشان تضمن توحيد مسميات الاصناف بتاعتك وماتبعيش الصنف الوحد اكتر من مره بمسميات مختلفه فى فواتير البيع او انك تشترى الصنف بمسمى وتبيعه بمسمى تانى وخصوصا لو كان حجم الشركه كبير وفى اكتر من شخص مسؤل عن البيع والشراء وبالتالى لو عندك دليل اصناف وكل صنف ليه كود مميز ليه عن غيره فامش هايحصل اى اخطاء فى التوجيهات لانك بتتعامل مع ال item على انه رقم وليس اسم.