منتــدى الأعمـــال - طـريـقـة مـتـكـهـرب بـالـمـضـاربـه مع مباشر 8 فـقـط ,,,

بسم الله الرحمن الرحيم

سأقوم بشرح طريقه اتبعها على مباشر برو 8
واحمد الله انها الى الان لم تخالفني في جميع عمليات مضاربتي

قبل استخدامك الى هذه الطريقه يجب ان تتقنها
بمعني انك يجب ان تستخدمها اكثر من مره على اكثر من سهم
وفي حال معرفتك للمؤشرات اللتي سأقوم بشرحها واتقانك لها
نقولك هذيك الساعه طب بالسهم بدون ماتشاور احد ووصي عليه واتكل على الله
بشرحها لكم بطريقه مبسطه جدا وان شاء الله تستفيدون منها
بداية نفتح مباشر برو 8 ونروح لأي شركه ونضغط زر الفاره اليمين ونختار من القائمه الرسم البياني .
بعدين نحط الماوس على الرسمه ونضغط زر الفاره اليمين ونختار الفتره ونختار من الفتره يوم واحد وبعدين بنفس الطريقه نروح للفاصل الزمني ونختار كل 5 دقائق وبكذا نكون خلصنا النقطه الاولى .

النقطة التاليه :
نحط الماوس على الرسمه ونضغط يمين ونختار من القائمه مؤشرات ونختار moving avrerage ونحط بدل الرقم الموجود رقم 5 ونغير لونه وانخليه مثلا ازرق ونسوي نفس العمليه مره ثانيه ونغير الرقم الى 9 ونخلي لونه مثلا رمادي ونسوي العمليه مره ثالثه ونحط لونه احمر بس نخليه على 14
وبكذا نكون كونا 5 (( ازرق )) و 9 (( رمادي )) و 14 (( احمر ))
بعدين نسوي نفس الطريقه بس نختار من المؤشرات الــ macd ( الماكد )) ونخليه على 9 ايام
بكذا راح تكون الرسمه مثل الشكل اللي تحت :

http://www.arb-up.com/get-4-2007-dlr6p8js.jpg

http://www.arb-up.com/get-4-2007-idnzg1lh.jpg

(( بأمكانك اضافة 50 يوم للتأكد بنسبة 100% للدخول والخروج ))

طبقنا هذه الطريقه على سهم بيشه يوم الاربعاء 26\7 وتبين لي الاتي كمضارب فقط :
ان السهم عند النقطه رقم واحد وهي متوسط 5 ايام اعطاني دخول ولكن الاشاره لم تتأكد الى بعد تقاطعه مع متوسط 9 ايام عند النقطه 2 وتم تأكيدها بقوه عندما تقاطعت مع النقطه رقم 3 وهي متوسط 14 يوم وبكذا كان الدخول مؤكد وكذالك الماكد اكد لي الدخول عند النقطه رقم 7
وارتفع السهم من سعر 112 الى سعر 116.5 يعني 4 ريال ونص .

ثم بدأ السهم بالنزول عند النقطه رقم اربع عندما تقاطع متوسط 5 ايام (( ازرق )) مع متوسط 9 ايام (( رمادي )) واكد الخروج الماكد عند النقطه 8 وتأكد الخروج من السهم عندما تقاطع متوسط 5 ايام (( الازرق)) مع متوسط 14 يوم (( الاحمر ))
وبعدين بدأت العمليه تتكرر عند النقطه رقم 6
وبهذا نكون استفدنا من تذبذب السهم في المضاربه وبكذا يقدر يعدل اللي خسارن عن طريق المضاربه بدلا من انه يعدل بشراء اسهم ويقدر اللي يضارب يستفيد من التذبذب .
وسلامتكم شفتوا شلون سهله

هذي مبدئيا وليس نهائيا .. بمعني اني سأقوم بتأكيد هذه الاشارات بأضافة الـ bollinger واضافة الــ rsi
وببين لكم فايدة كل واحد .

نبدأ بالـ rsi
بالبدايه هو مؤشر اشارة القوة النسبيه (( وبدون فلسفه هو اللي يعطيني اقتراب السهم من قاعه السعري او اقترابه من القمه ))
الزبده يتكون من 3 مراحل يجب ان نعرف المراحل وتراها ماهي صعبه ولكن بمجرد ممارستها دائما تفهمها من نظره بدون تفكير :
المرحله الاولى :
وهي المنطقة السفليه او القاع زي ماتحبون وهي اللي تكون من صفر الى 30 وبتشوفونها على الرسم بعد شوي وهي افضل منطقة ومناااااسبه للشراااااااااااااء .
المرحله الثانيه :
المنطقة المتوسطه وهي من 30 الى 70 وبكذا نقدر نقول ان السهم بعيد عن القاعه وبعيد عن القمه يعني لو شفنا السهم انطلق من 30 الى 70 نسميه صعود والعكس صحيح .
المرحلة الثالثه :
70 الى 100 وهي خطره ويكون السهم اقترب من القمه ويكون السهم معرض للتصحيح .
اتوقع مافي ابسط من كذا
نشوفها على الشارت لنفس السهم سهم بيشه :

http://www.arb-up.com/get-4-2007-9b0jqp0x.jpg

http://www.arb-up.com/get-4-2007-m761lz0r.jpg

بكذا نشوف ان rsi عند رقم 1 اعطى اشارة دخول ولكن لم يؤكدها الماكد ارتفع بعدها قليلا ثم نزل وارتد واكد ارتداده المؤشرات المتبقيه على الرسمه اللتي رسمناها
وعند النقطه رقم 2 اعطى خروج ولكن المؤشرات المتبقيه لم تعطي خروج الا بعد فتره وبهذا اقدر استشف انه فالارتداد اعطى اشاره قبلهم وفالنزول ايضا كذلك ولكن لا تبني دائما هذه النظريه بأنها صواب ولكن لاحظ نقاط نزوله نزل الى 38 وهي نقطه جيده للشراء لاننا اشرنا الى ان النقطه من 30 الى 70 تعتبر ثبات للسهم . وارتد الى نقطة 58 .
يعني المضارب عرف ياكل بهالعمليه مضبوط .

نجي الحين للبونجر :

البولنجر هو مهم في ادوات التحليل الفني ولكن انا ما راح اوسع الموضوع لأننا نبي نعرف شلون نستفيد منه فقط فالمضاربه .
اذا اخترنا البولنجر من المؤثرات واعطيته انا لون اخضر بتشوفون 3 خطوط على الرسم الاساسي اللي سويناه الاعلى من هذه الخطوط هو الاعلى للسهم والادني للخطوط الثلاثه هو الادنى للسهم
اذآ اذا اخترقنا اعلى خط للبولينجر معناته السهم فوق واذا اخترقنا اسفل خط للبولنجر معناته السهم نازل
طيب اذا ضاق البولنجر بالرسم وكيف نعرف انه ضاق معناته يصير حجم خطوطه بحدود ضيقة وتقريبا لاتتعدى 2.5 سم فهذا يدل الى ان البولنجر يمر بمرحلة ضغط وربما ينفجر الى اعلى او اسفل
طيب وش فايدة الخط اللي فوق والخط اللي تحد ..؟
من هنا نقدر نقول ان الخط العلوي مقاومة السهم والسفلي دعم السهم وايهما يخترق يعطيني اشارة ايجابية او سلبيه للسهم يعني لو اخترق خط الشركه الاساسي (( اللون الاسود )) البولنجر العلوي معناته اخترق المقاومه والعكس للسفلي يكون كسر الدعم .
وهذا رسم توضيحي :

http://www.arb-up.com/get-4-2007-p2cdtdy9.jpg

http://www.arb-up.com/get-4-2007-p2cdtdy9.jpg

حاولت اني ابسط الموضوع الى ابسط مفاهيمه واتمنى اني وفقت في ايصال الفائده
وهذي الطريقه بعد ما تعمل بها اكثر من مره يتبين لك بلمح البصر هل السهم هذا بينطق ام لا
بس ترى مهيب كل مره تصيب ترى باقي المؤشرات مهيب لعبه ولكن نقول ان شاء الله ان هذي تفي بالغرض .

(( الاخوه المحللين اذا كان هناك خطأ امل تصحيحي ))

وبالتوفيق للجميع

ابو عبدالعزيز