|
نصيحة يا اخواني
السلام عليكم ورحمة الله وبركاته :
ان مشكلتي مشكلة (أم زوجي توها مسوية لي مشكلة انا وزوجي ,,,,, واحتمال اطلب الطلاق مع عندي بنتين وش اسوي ابي ارتاح ) لا تقولون اصبري صبرت 6 سنوات بظلم الى ابعد حد والحين انا صارت فيني حالة نفسية سيئة جدا جدا جدا آرائكم (حاولت بالهدايا ,بالاطباق , بالكلام اللين , لكن هي ما تحبني وتحس ان ولدها يستاهل اللي احسن مني (نصيحة للبنات,,,,,,,,لا تتزوجوووووووووووووووووون ,, نصحوني من قبل بس ما سمعت الله المستعان |
رد: نصيحة يا اخواني
اقتباس:
لك الاجر اختي الكريمه بتحملك الاذى من اجل زوجك واطفالك اختاه انا لست بموقف منصح او موجه ولكن اقول رأي قد توافقيني به وقد لاتوافقين اجعلي شعارك اموت ويحيا اطفالي ، فأين تضحيتك وصبرك وتحملك في سبيل اسعاد زوجك واطفالك الراحة والسعادة لاتدوم وفكري باطفالك قبل نفسك النفسية بحرييييقه والراحه الله لايجيبها اذا على حساب ضياع الاطفال الصبر ثم الصبر فلك الاجر .. ونصيحتك انا لا اوافقها وليست بمكانها اطلاقا فالزواج مطلب اساسي لاستمرارية الحياة وان كان الزوج ليس مدمن ومحافظ على صلاته وذو اخلاق حميده ويخاف الله فلاتهتمين بأمه واخته وعمته فهو زوجك وليس هم ... اتمنى من الله السعادة وراحة البال لك ولاخواتي المسلمات .. |
رد: نصيحة يا اخواني
عزيزتي ,, ياليت لو وضحتي موقف زوجك عشان نفهم اكثر,, اختي انتي الي عايشه هالمشكله محد يقدر يفيدك الا نفسك ,, انتى ادري بظروفك وحياتك ,, احنا اختي مجرد ناصحين فقط
عزيزتي ,, لاتنسين انك ام اطفال وبنات وظروف البنات صعبه شوي من ناحيه الحضانه والامور الى ماتخفي عليك ,, اختي هل تظمنين لو تركتي زوجك وبيتك ينتهي المك وهمك وجراحك ,, عمر الهم والالم ماينتهي بزوج او بدون زوج .. ربي خلق الانسان في كبد .. وهذي سنة الله ولن تجد لسنة الله تبديلا ولاتنسي اختى رسولنا عليه السلام كان اكثر ابتلائه في قومه ,, كان من دعائه (( اللهم اني اشكوا اليك ضعف قوتي وقلة حيلتي وهواني في انفس الناس )) وهو حبيب الرحمن خير من شرقت عليه شمس الدنيا فما بالك بنا ,,,, عزيزتي لابد من الابتلاء للمؤمن ,, وصدقني من رحمة الله فيك ان هذا اببتلائك فقط ,, نساء يبتلون في اطفالهم وأعراضهم وعافيتهم’’ اختى هذا ابتلاء من الله وهو اهون الامور اصبري وتجدينها عند الله وتقابلينه سبحانه صافيه خاليه من الذنوب بسبب صبرك انصحك اختى بأن تتعايشي مع همك وتتناسيه قليلا ولابد من التضحية والتغاضي كثيرا وانصحك اختى بالدعاء فوالله ماخاب من دعاه ,, ولابد ان تقوي ايمانك بالله حتى تتيسر عليك همومك الحاضرة والمستقبله ,,اقرئى اختى في كتب العقيدة وفي كتب الايمان بالقضاء والقدر وانصحك بكتب الدكتور سليمان الاشقر والدكتور طارق االسويدان يارب اذا ابتليتنا فاسالك ان تعيننا على ابتلائك ,, واسالك ان لا تكلنا الى انفسنا او الى غيرك طرفة عين او اقل من ذلك ,, اللهم فرج همي وهمها وهم كل مسلم اسفه للأطاله |
رد: نصيحة يا اخواني
اقتباس:
عموما اختي الخد الناعم نصيحتي لك تستمرين في معاملتها بالحسني وبالكلمة الطيبة ولابد يجي يوم راح تخجل من طيب اخلاقك . واهم شي تفاهمك مع زوجك ... لا تتذمري كثر من معاملتها قدامه يكفي انك توضيح له الامور ببساطه وتفهميه انك متحملتها وهي مثل والدتك بكل هدوء وبدون عصبية .. ولعل و عسى بس يثمر فيه :all2: |
رد: نصيحة يا اخواني
اقتباس:
لأني اخاف انه ينظر لها من ناحية اخرى .. مثل التعلي على امه .. او انها متحملته على وزن انها تمن (( تحسبها جميله )) عليه .. ارى حل واحد لتكسبي الطرفين .. واعتبريها نصيحه من اخ صغير لأخته 1- حاولي بأن تسعي بطرق او اخرى بأن تقنعيه بأن تنتقلون من البيت .. هذا اذا كان البيت بيت اهله .. واختلقي الاعذار اللي ترينها مناسبه بشرط انك .. ماتضغطين عليه (( على حسب وضعه المادي )) .. على سبيل المثال : البيت مايكفي لكم وللأولاد .. او او .. على حسب وضع البيت . 2- اذا البيت ملك لكم والام جايبها ولدها .. فمالك الا .. حل واحد ويعتمد على ضرف او وضع اخوانه بأنك تقنعين زوجاتهم .. بأن ياخذونها عندهم .. يعني طريقة مبادله .. وتجيبينها من مبدأ الاجر .. بمعنى كل 3 او 6 شهور عند واحد .. على حسب عدد الاخوان وعلى حسب وضعهم . .. 3- اذا كنتي ترين بأنك مرتاحه مع زوجك وان هذا الرجل هو المناسب لك .. وان حياتك معه هي الافضل .. فلا تضييعيها لأي سبب مهما كان (( كسبب الام )) ... لأن الامور هذي لا يوجد لها تكرار .. بمعنى ان الطلاق ليس افضل الطرق ولا اسلمها في ضل الظروف المهيمنه بمجتمعنا .. ولكن ماوجدها الشرع الا لكونها ظروريه في بعض الظروف لذلك حاولي بصرف النظر عن مثل تلك الامور واجعليها اخر فرصه او حل لديك .. 4- تذكري ان كل ماتقومين به من اجتهاد او جهد .. محسوب لك (( الاجر من الله )) . 5- تذكري واجب زوجك الديني .. من ناحيت امه ... وما اوصانا به ديننا الحنيف ... فلاتحمليه اكثر من طاقته ... فلربما يعلم ان امه تسيئ التعامل معك ولكنه لا يستطيع ان يفعل اي شئ ... بل ربما يخشى ان يفاتحها بموضوع تعاملها معك وتغضب عليه (( لا اعلم مدى تفهم زوجك لهذى الامر او اسلوبه في انصاف الامور )) .. 5- لا تستمعي لكل من يكتب او يحدثك او ينصحك .. واولهم انا .. فالجميع لا يعلم عن وضعك وعن طريقة حياتك وعن الصوره الملائمه لحالتك الاجتماعيه لكي .. ولزوجك .. وتقبلي فائق احترامي .... هذا ماجادت به نفسي .. |
رد: نصيحة يا اخواني
أختي أنا كمان أعاني نفس المشكلة لكن مشكلتي أكبر والله يعينا عليهم لكن نصبر علشان أولادنا (نعيش مرتاحين لكن أذا جيناها اوجتنا الله لايوريك مرة عون ومرررررررررررررررات فرعون )
لكن أصبري ولاتطلبين الطلاق لانه عمره ماكان حل للمشاكل وبعدين المتضررين بناتك بدرجة الاولى وأذا كان عليها لابد يوم من الايام تستحي من فعايلهافيك وعندنا وعندك خير بس حسسي ولدها أنك مهتم في أمه لان الرجل أكره شي عنده أن الحرمة تتكلم عن أمه |
رد: نصيحة يا اخواني
أشكر لكل من ساهم في النصيحة لي بدون تحديد
وأسأل الله ان يجعل ما كتبتوا في موازين اعمالكم ووالله لو اني اظمن اني لو اكتب مشكلتي من اولها ما انعرف عن طريقها كان كتبتها وانا اتصلت بالشيخ محمد المختار الشنقيطي وشرحت له كل مشكلتي بالتفصيل فقال لي مثلكم لا تنزلين كل يوم لكن صعقته بجوابي أنا في مدينه وهم في مدينه فقال الله المستعان الى هذي الدرجة يصل ايذائهم وانتي بعيده فقال قاطعي الام (معليش سعودي انت ما تدري وش سوو فيني الى القذف اصابوني فيه الله يسامحهم ويعفوا عنهم) خصيت سعودي لانه كان ربما احسه قسى بالنصح علي ,,,وانا عارفه يا اخي ان نصيحتك لمصلحتي انا وبناتي ولبتي (بس اللي ايده بالنار مش مثل اللي ايده بالماء ) فقلت للشيخ اخاف انه حرام فقال بالشرع لو تعطينها كاس ماء فضل منك عليها لان ما فيه بينك وبينها صلة رحم لكن زوجك واولادك ما يقاطعونها وقال لي على اللي سووه فيك (وتطاولوا على امي واخواني واحنا عائلة ما تعرف هالاشياء ) انا خصيمك يوم القيامة امام الله بس ابطلب منك طلب سامحيهم لان امرهم عظيم .... فقلت له يا شيخ اللهم اني عفوت عنهم من قلبي فاعفوا عني (والله بكى الشيخ وهو يقول الله اكبر وجزاك الله خيرا )""" اما بالنسبة لها فاني دائما احظ ولدها على الهدايا الغاااالية وهو البكر وتذله وتخلي اخوانه واخواته يتطاولون عليه بايديهم والسنتهم وهي ما تقولهم شئ بس تتفرج انا يا سعودي من اجل عين يكرم الف حاجب انا من اجل ان اريح زوجي من المشاكل ابطلب الطلاق زوجي رائع بمعنى الكلمة ما شاء الله ,,, ملتزم ,,,, في مركز مرموق بالمجتمع ,,, لكنه يخاف الله في امه ويشوفني اتحمل علشانه فهو متأثر بالمرة لانه مرة قال لهم ابطلقها وارتاح كلهم قالوا طلقها عادي نخطب لك غيرها ,,,, انت يا اخ سعودي تقول النفسية بحريقة وانا اقول لك من شد نفسيتي صرت اضرب بنتاي احيانا بدون سبب لانهم بس ما سمعوا كلامي على شئ تافه حتى زوجي صرت اكرهه منهم ومن فترة دعيت عليهم انهم ينشغلون عني وفعلا صار بينهم مشاكل داخلية عائلية سنتين لا يمكن انساها احلى سنتين بعمري انا وزوجي واطفالي والحين انحلت المشاكل عندهم وارجعوا لي وللاسف جو لمدينتا واستقروا فيها وهالحين زوجي يحاول يدور نقل علشان ما اطلب الطلاق,,,, لاني بدون مدح لنفسي مسالمة وطيبه ولو يجيني الشخص المسئ لي مبتسم انسى اللي سواه فيه وهذا اللي كنت اسويه معاهم (بس اخاف من اللي يصرخ علي او يهاوش اتراجف ولا انام ,,, يمكن لان اهلي هادين بالتعامل معانا ولا تعودت ان احد يصارخ ويرفع يده علي ,,, ومن شد الخوف اللي جاني منهم اصبت بمس وعانيت الامرين واسأل الله ان يشفيني عاجل غير اجل .... حياتي مهما كتبتها بسطور ما راح توفي اللي اعيشه بس انا هالحين زوجي يقول لي قاطعيهم ما عليك انا راضي وخلي بي البنات يروحون معاي اذا زرتهم بس انا من غبائي وطيبتي اللي مالها داعي بهالزمن يأنبني ضميري اني اقاطعهم وبنفس الوقت خايفة من كلام الناس لاني انا الوحيده اللي صار لها كذا من بين خواتها .... وش رايكم انا الى الان المقاطعة هي الحل الوحيد والايجابي نوعا ما ,,, انا اسفة على الاطالة او اللخبطة لاني اكتب بدون مسودة شاكرة لكم في انتظاركم اختكم في الله الخد الناعم |
رد: نصيحة يا اخواني
اختاه لم اعلم ان تفاصيل مشكلتك قاسية لهذه الدرجه فتوقعت انها مشاكل يوميه وتنكيد فقط
ما اقول الا ربي يسعدك ويبعد عنك الهم والكدر *** لا انصحك بمشاورتنا بل اذهبي للمتخصصين والمشايخ فهم اعلم منا نحن هنا اخوان لك ولغيرك وتستطيعين انتي او غيرك حذف همومكم بالاستراحه ونحن نحاول تلطيفها |
رد: نصيحة يا اخواني
تسلم يا اخ سعودي والله لا يوريك وزوجتك وذريتك لا هم ولا غم والمسلمين اجمعين
|
رد: نصيحة يا اخواني
استشيري الدكتور عبدالله الفوزان والله لورقمه عندي لاعطيك اياه
|
| الساعة الآن 02:31 AM |
Powered by vBulletin® Copyright ©2000 - 2024, Jelsoft Enterprises Ltd
Protected by
Mt.AtSh